കേരളത്തിൽ സ്വർണ്ണ വിലയിൽ വീണ്ടും വർധന;; പുതുവർഷത്തിൽ വില എങ്ങോട്ട്?

കേരളത്തിൽ സ്വർണ്ണ വിലയിൽ (Kerala Gold Price) വർധന. ഇന്ന് പവന് 120 രൂപയും, ഗ്രാമിന് 15 രൂപയുമാണ് വില വർധിച്ചത്. ഇന്ന് ഒരു പവൻ സ്വർണ്ണത്തിന് 57,200 രൂപയും, ഗ്രാമിന് 7,150 രൂപയുമാണ് വില. രാജ്യാന്തര തലത്തിൽ തിങ്കളാഴ്ച്ച രാവിലെ സ്വർണ്ണ വ്യാപാരം നേട്ടത്തിലാണ് നടക്കുന്നത്. ട്രോയ് ഔൺസിന് 8.19 ഡോളർ (0.31%) താഴ്ന്ന് 2,624.45 ഡോളർ എന്നതാണ് നിലവാരം. കേരളത്തിലെ വെള്ളി വിലയിൽ (Kerala Silver Price) ഇന്ന് താഴ്ച്ചയുണ്ട്. ഇന്നലെ കേരളത്തിലെ സ്വർണ്ണ വിലയിൽ മാറ്റമില്ലായിരുന്നു.ഒരു പവൻ സ്വർണ്ണത്തിന് 57,080 രൂപയും, ഗ്രാമിന് 7,135 രൂപയുമായിരുന്നു വില.

സ്വർണ്ണവില-പ്രൊജക്ഷൻ
2024 വർഷം കടന്നു പോവാൻ ഇനി മണിക്കൂറുകൾ മാത്രമാണ് അവശേഷിക്കുന്നത്. ഒരു വർഷം മുമ്പ് രാജ്യാന്തര സ്വർണ്ണ വില ഔൺസിന് 2,022 ഡോളർ എന്നതായിരുന്നു നിലവാരം. നിലവിൽ 2,625 ഡോളർ നിലവാരത്തിലേക്ക് ഏകദേശം 26% വർധനവാണ് വിലയിൽ പ്രകടമായത്. പലിശ നിരക്കുകളോട് ബന്ധപ്പെട്ടാണ് സ്വർണ്ണ വിലയിൽ പ്രധാനമായും പ്രതിഫലനമുണ്ടാകുന്നത്. പലിശ വർധിച്ചാൽ സ്വർണ്ണം പോലെയുള്ള സുരക്ഷിത ആസ്തികളുടെ ആകർഷകത്വം കുറയും. എന്നാൽ കേന്ദ്ര ബാങ്കുകൾ സ്വർണ്ണം വാങ്ങിക്കൂട്ടുന്നത് പുതുവർഷത്തിലും സ്വർണ്ണ വില വർധിക്കാൻ കാരണമാകുമെന്ന് പ്രമുഖ ഇൻവെസ്റ്റ്മെന്റ് സ്ഥാപനമായ ഗോൾഡ്മാൻ സാക്സ് വിലയിരുത്തുന്നു.

2025 വർഷത്തിന്റെ അവസാനത്തോടെ സ്വർണ്ണം ഔൺസിന് 3,000 ഡോളറിലേക്കെത്തുമെന്നും ഗോൾഡ്മാൻ സാക്സ് പ്രവചിക്കുന്നുണ്ട്. ഇങ്ങനെ സംഭവിച്ചാൽ കേരളത്തിൽ പവൻ വില 60,000 രൂപയ്ക്ക് മുകളിലേക്ക് കയറും. പണിക്കൂലിയും, നികുതിയുമടക്കം ഒരു പവന് 70,000 രൂപയോളം നൽകേണ്ട സാഹചര്യമായിരിക്കും ഇത്തരത്തിൽ ഉണ്ടാവുക.

വെള്ളി നിരക്കുകൾ (Silver Rate)
കേരളത്തിലെ വെള്ളി വിലയിൽ ഇന്ന് താഴ്ച്ചയുണ്ട്. 2023 വർഷത്തിന്റെ അവസാനവുമായി താരതമ്യം ചെയ്യുമ്പോൾ ആഗോള തലത്തിൽ വെള്ളി വിലയിൽ 24% വർധനവുണ്ടായിട്ടുണ്ട്. സംസ്ഥാനത്ത് ഇന്ന് ഒരു കിലോ വെള്ളിക്ക് 100 രൂപ എന്ന തോതിലാണ് വില കുറ‍ഞ്ഞത്. ഇപ്പോഴത്തെ നിരക്കുകൾ താഴെ നൽകിയിരിക്കുന്നു.

1 ഗ്രാം : 99.80 രൂപ
8 ഗ്രാം : 798.40 രൂപ
10 ഗ്രാം : 998 രൂപ
100 ഗ്രാം : 9,980 രൂപ
1 കിലോഗ്രാം : 99,800 രൂപ