Kerala Times Bureau
National Pension Scheme (NPS)> കേന്ദ്ര സര്ക്കാര് പദ്ധതിയായ എന്പിഎസ്, അഥവാ നഷ്ണല് പെന്ഷന് സ്കീം മികച്ച ഒരു റിട്ടയര്മെന്റ് ഓപ്ഷന് ആണെന്ന് ഇന്നും പലരും തിരിച്ചറിഞ്ഞിട്ടില്ല. 18 മുതല് 70 വരെ പ്രായമുള്ള വ്യക്തികള്ക്ക് ഈ പദ്ധതിയില് നിന്ന് നേട്ടമുണ്ടാക്കാം. സര്ക്കാര് ജീവനക്കാര്ക്കായി ആരംഭിച്ച സ്കീം പിന്നീട് കേന്ദ്രം സ്വകാര്യ മേഖലയിലെ തൊഴിലാളികള്ക്കും, പ്രവാസികള്ക്കുമായി തുറന്നു കൊടുക്കുകയായിരുന്നു. ഇതൊരു ഫലപ്രദമായി റിട്ടയര്മെന്റ് സ്കീം ആണെന്നു വിദഗ്ധര് പോലും സാക്ഷ്യപ്പെടുത്തുന്നു. പലരും പദ്ധതിയില് നിക്ഷേപിക്കേണ്ട സമയം കഴിഞ്ഞുവെന്ന മിഥ്യാ ധാരണയിലാണ്. ഭാവിയില് സാമ്പത്തിക സുരക്ഷിതത്വം ഉറപ്പാക്കുക എന്ന ലക്ഷ്യത്തോടെയാ്ണ് ഈ സ്കീം പ്രവര്ത്തിക്കുന്നത്. എന്പിഎസിന്റെ പ്രാഥമിക ലക്ഷ്യം സ്ഥിരമായ പ്രതിമാസ പെന്ഷനും, വിരമിക്കുമ്പോള് ഗണ്യമായ തുകയും ഉറപ്പാക്കുകയാണ്.
40 വയസുള്ള ഒരു വ്യക്തിക്ക് എന്പിഎസ് റിട്ടയര്മെന്റ് തന്ത്രത്തിനു കീഴില് വിരമിക്കുമ്പോള് മാസം 1 ലക്ഷം രൂപ വരെ പെന്ഷന് നേടാന് കഴിയുമെന്നു പറഞ്ഞാല് നിങ്ങള്ക്കു വിശ്വസിക്കാന് കഴിയുമോ? പക്ഷെ ഇതിനായി നിങ്ങള് നിക്ഷേപ തുക ഉയര്ത്തേണ്ടി വരും. അതിനാലാണ് എന്പിഎസ് എത്ര നേരത്തേ ആരംഭിക്കുന്നുവോ, അത്രയും മികച്ചതെന്നു പലരും പറയുന്നത്. അതേസമയം പ്രായം കടന്നുപോയെന്ന് ആരും ദുഃഖിക്കേണ്ടതില്ല. നിങ്ങള്ക്ക് നിക്ഷേപ തുക ഉയര്ത്തി ന്ഷ്ടമായ നേട്ടങ്ങള് തിരിച്ചുപിടിക്കാം. ഇക്കാര്യം മുകളില് പറഞ്ഞ സന്ദര്ഭത്തിലൂടെ തന്നെ നോക്കാം. നിങ്ങള് 40 -ാം വയസില് എന്പിഎസില് നിക്ഷേപം ആരംഭിക്കുന്നുവെന്ന് കരുതുക. മാസം 1 ലക്ഷം പെന്ഷന് ആണ് നിങ്ങളുടെ ലക്ഷം. ഇവിടെ നിങ്ങള് 20 വര്ഷത്തേയ്ക്ക് മാസം 20,000 രൂപ വീതം അടയ്ക്കേണ്ടതായി വരും.
നിങ്ങള് നിക്ഷേപം മുകളില് പറഞ്ഞതു പോലെ ക്രമീകരിച്ചാല് 60 വയസാകുമ്പോള്, 1.62 കോടി രൂപ ഒറ്റത്തവണയായി സമാഹരിക്കാനും, പ്രതിമാസം ഏകദേശം ഒരു ലക്ഷം രൂപ പെന്ഷന് നേടാനും കഴിയുമെന്നും റിപ്പോര്ട്ടുകള് വ്യക്തമാക്കുന്നു. എന്പിഎസ് ഒരു മികച്ച നികുതി ലാഭിക്കല് സ്കീം കൂടിയാണെന്നു മറക്കരുത്.
നിക്ഷേപ ക്രമീകരണം എങ്ങനെ?
- നിക്ഷേപം ആരംഭിക്കുന്ന പ്രായം: 40 വയസ്
- നിക്ഷേപ കാലാവധി: 20 വര്ഷം (60 വയസ് വരെ)
- പ്രതിമാസ സംഭാവന: 20,000 രൂപ
- വാര്ഷിക ടോപ്പ്-അപ്പ് നിക്ഷേപം: 10%
- 20 വര്ഷത്തെ മൊത്തം നിക്ഷേപം: 1,37,46,000 രൂപ
- പ്രതീക്ഷിക്കുന്ന വാര്ഷിക വരുമാനം: 10%
- വിരമിക്കുമ്പോള് ആകെ കോര്പ്പസ്: 3,22,90,815 രൂപ (ഏകദേശം 3.23 കോടി രൂപ)
- ആകെ ലാഭം: 1,85,44,815 രൂപ (ഏകദേശം 1.85 കോടി രൂപ)
- മൊത്തം നികുതി ലാഭം: 41,23,800 രൂപ
വിരമിക്കുമ്പോള് പ്രതീക്ഷിക്കുന്ന ആനുകൂല്യങ്ങള്
- ഒറ്റത്തവണ പിന്വലിക്കല്: 1,61,45,407 രൂപ (ഏകദേശം 1.62 കോടി രൂപ)
- വാര്ഷിക നിക്ഷേപം: 1,61,45,408 രൂപ (കോര്പ്പസിന്റെ 55%)
- പ്രതിമാസ പെന്ഷന്: 1,07,636 രൂപ.
Disclaimer: മുകളില് പറഞ്ഞ കാര്യങ്ങള് നിലവില് ലഭ്യമായ വിവരങ്ങളും, ഇന്വെസ്റ്റ്മെന്റ് കാല്ക്കുലേറ്ററും പ്രകാരമുള്ളതാണ്. നിക്ഷേപത്തിനു മുമ്പ് ഒരു വിദഗ്ധന്റെ സഹായം തേടാവുന്നതാണ്.
