Kerala Times Bureau
Post Office Gram Priya Scheme: നിക്ഷേപങ്ങളെ പറ്റി വളരെ ഗൗരവമായി ചിന്തിക്കുന്ന ഒരു തലമുറയാണ് ഇന്നുള്ളത്. ഇവര് ഭാവിയെ പറ്റി ആശങ്കാകുലരാണ്. വര്ധിച്ചുവരുന്ന ചെലവുകള് തന്നെ കാരണം. ഈ ചെലവുകളെ വരുമാനമില്ലാത്ത കാലത്ത് എങ്ങനെ കൈകാര്യം ചെയ്യുമെന്നതാണ് ചോദ്യം. ഇവിടെയാണ് സേവിംഗ്സ് സ്കീമുകളുടെ പ്രാധാന്യം. അടുത്ത കാലത്തായി പോസ്റ്റ് ഓഫീസ് നിക്ഷേപ പദ്ധതികള്ക്ക് മികച്ച പിന്തുണ ലഭിക്കുന്നുണ്ട്. ഇതിനു കാരണം മറ്റു നിക്ഷേപ മാര്ഗങ്ങളേക്കാള് മികച്ച റിട്ടേണും, സുരക്ഷയും തന്നെയാണ്. എന്നാല് പോസ്റ്റ് ഓഫീസിന്റെ സാധാരണ നിക്ഷേപ പദ്ധതികളില് നിന്ന് തികച്ചും വ്യത്യസ്തമായ ഒരു നിക്ഷേപ സ്കീമിനെ പ്റ്റിയാണ് ഇന്നു പറയുന്നത്. അറിയാന് വായന തുടരുക.
ഗ്രാമപ്രിയ സ്കീം
ഈ പദ്ധതി ദീര്ഘകാല നിക്ഷേപകരെ ലക്ഷ്യമിട്ടുള്ളതാണെന്ന് ആദ്യമേ പറയട്ടെ. 10 വര്ഷത്തിനുള്ളില് നിങ്ങള്ക്ക് ഗണ്യമായ തുക നേടാന് ഈ പദ്ധതി വഴിയൊരുക്കും. പോസ്റ്റ് ഓഫീസിന്റെ ഒരു മണിബാക്ക് ഇന്ഷുറന്സ് പദ്ധതിയാണ് ഗ്രാമപ്രിയ. റൂറല് പോസ്റ്റല് ലൈഫ് ഇന്ഷുറന്സ് (ആര്പിഎല്ഐ) എന്ന ഓമ്മനപ്പേരില് അറിയപ്പെടുന്നു. ലൈഫ് ഇന്ഷുറന്സ് കവറും, പീരിയോഡിക് റിട്ടേണും പദ്ധതി ഉറപ്പാക്കുന്നു.
കുടുംബത്തിന് വേണ്ടിയൊരു സമ്പാദ്യം
10 വര്ഷത്തേയ്ക്ക് കുടുംബത്തിന് മൊത്തം ഇന്ഷുറന്സ് പരിരക്ഷ ഉറപ്പാക്കാന് ഗ്രാമപ്രിയ സ്കീം വഴി നിങ്ങള്ക്കു സാധിക്കും. എന്തെങ്കിലും അപ്രതീക്ഷിത സംഭവമുണ്ടായാല് ഉടനടി പിന്തുണയും കിട്ടും. ഈ പദ്ധതി ഗ്രാമപ്രദേശങ്ങള്ക്കായി പ്രത്യേകം രൂപകല്പ്പന ചെയ്തിട്ടുള്ളതാണ്. പദ്ധതിയില് അംഗമാകാനുള്ള ഏറ്റവും കുറഞ്ഞ പ്രായപരിധി 19 വയസാണ്. ഉയര്ന്ന പരിധി 45 വയസും.
എത്ര രൂപ നിക്ഷേപിക്കണം
ഇനി പദ്ധതി പ്രയോജനപ്പെടുത്താന് ആവശ്യമായ നിക്ഷേപങ്ങളിലേയ്ക്ക് കടക്കാം. ഏറ്റവും കുറഞ്ഞ സം അഷ്വേര്ഡ് 10,000 രൂപയാണ്. പരമാവധി തുക 5 ലക്ഷമാണ്. പ്രതിമാസം പ്രീമിയം അടയ്ക്കാം. ഉദാഹരണത്തിന്, നിങ്ങള് 5 ലക്ഷം രൂപയുടെ കവര് എടുക്കുന്നുവെന്നു കരുതുക. നിങ്ങളുടെ പ്രതിമാസ നിക്ഷേപം ഏകദേശം 5,068 രൂപയായിരിക്കും.
പദ്ധതി 10 വര്ഷത്തെ കാലാവധി പൂര്ത്തിയാക്കുന്ന പക്ഷം മികച്ച റിട്ടേണാണ് കാത്തിരിക്കുന്നത്. ഇവിടെ നിങ്ങളുടെ റിട്ടേണിനെ അതുല്യമാക്കുന്നത് ബോണസു കൂടിയാണ്. സം അഷ്വേര്ഡ് ചെയ്ത ഓരോ ആയിരം രൂപയ്ക്കും 45 രൂപ വാര്ഷിക ബോണസ് പദ്ധതി വാഗ്ദാനം ചെയ്യുന്നു. നിങ്ങളുടെ 5 ലക്ഷം കവറിന് വാര്ഷിക ബോണസ് 22,500 രൂപയായിരിക്കും. അതായത് 10 വര്ഷത്തെ നിങ്ങളുടെ ആകെ ബോണസ് തുക 2,25,000 രൂപയായിരിക്കും.
ഇനി മറ്റൊരു ആകര്ഷണം പ്ലാന് അഷ്വേര്ഡ് തുകകളാണ്. പദ്ധതിയുടെ 10 വര്ഷം കാലാവധിയെ മൂന്നായി തിരിക്കുന്നു. 4 വര്ഷം, 7 വര്ഷം, 10 വര്ഷം. 4 വര്ഷം പൂര്ത്തിയാക്കുമ്പോള് സം അഷ്വേര്ഡിന്റെ 20%, അതായത് 1 ലക്ഷം രൂപ. 7 -ാം വര്ഷം പൂര്ത്തിയാക്കുമ്പോഴും ഇതു തന്നെ കിട്ടും. ഇനി 10 -ാം വര്ഷം അതായത് കാലാവധി പൂര്ത്തികരിക്കുമ്പോള് സം അഷ്വേര്ഡിന്റെ 60 ശതമാനത്തിനൊപ്പം മൊത്തം ബോണസും കിട്ടും. അതായത് മൊത്തം കാലാവധിയില് 7.25 ലക്ഷം രൂപ കൈയ്യിലിരിക്കും.
മറ്റൊരു നിക്ഷേപത്തിനുള്ള മുതല് കൂട്ട്
ഈ ലഭിക്കുന്ന 7.25 ലക്ഷം രൂപ നിങ്ങള്ക്ക് മറ്റൊരു സുരക്ഷിത നിക്ഷേപത്തിനുള്ള ഒറ്റത്തവണ കോര്പ്പസായി ഉപയോഗിക്കാവുന്നതാണ്. റിക്കറിംഗ് ഡിപ്പോസിറ്റുകള് അല്ലെങ്കില് പ്രതിമാസ വരുമാന പദ്ധതികള് പരിഗണിക്കാം. പോസ്റ്റ് ഓഫീസ് പദ്ധതികള് പരിഗണിച്ചാല് നിങ്ങളുടെ ഓരോ രൂപയും സുരക്ഷിതമായിരിക്കും. ഇത്തരം പദ്ധതികള് നിലവില് 6.5 മുതല് 7.5 ശതമാനം വരെ പലിശ വാഗ്ദാനം ചെയ്യുന്നുണ്ട്. അതായത് നിങ്ങള്ക്ക് പ്രതിമാസം 3,000 മുതല് 4,000 രൂപ വരെ സ്ഥിരവരുമാനം ഉറപ്പാക്കാന് കഴിയും.
Disclaimer: മുകളില് പറഞ്ഞ കണക്കുകളും, വിവരങ്ങളും നിലവില് ലഭ്യമായ വിവരങ്ങള് അടിസ്ഥാനമാക്കിയാണ്. നിക്ഷേപങ്ങള്ക്കു മുമ്പ് ഉറപ്പുവരുത്തുക
