Kerala Times Bureau
Magnum Company AI Ice Creams > ഒന്നിനും സമയമില്ലാത്ത ഇന്നത്തെ കാലത്ത് ആളുകളുടെ ഭക്ഷണവും, ആരോഗ്യവുമെല്ലാം ഒരു ചോദ്യചിഹ്നം തന്നെയാണ്. ഇതിന് ആര്ട്ടിഫിഷ്യല് ഇന്റലിജന്സ് കൊണ്ട് പരിഹാരം കാണുകയാണ് ഇന്നൊരു കമ്പനി. എന്തായാലും കമ്പനിയുടെ ഈ എഐ തന്ത്രം ഇതിനകം തന്നെ വിപണികള് ഏറ്റെടുത്തു കഴിഞ്ഞു. ജെമിനി നാനോ ബനാന 3ഡി ഫിഗറൈന്സ് ട്രെന്ഡിന് ഇടയാണ് പുതിയ എഐ ഐസ്ക്രീമുകള് ചര്ച്ചയാകുന്നത്.
എഐ ഐസ്ക്രീം ട്രെന്ഡ്. ജെമിനിയുടെ എഐ സാരി ട്രെന്ഡ് പോലെ തങ്ങളുടെ മേഖലയിലും പരീക്ഷണങ്ങള് നടത്തുകയാണ് ഐസ്ക്രീം കമ്പനികള്. എഐ അധിഷ്ഠിത ഐസ്ക്രീമുകളും, ഫ്രോസണ് ഡെസേര്ട്ടുകളും സൃഷ്ടിക്കാന് സഹായിക്കുന്ന എഐ സ്റ്റാര്ട്ടപ്പായ നാറ്റ്കോ എഐയും (NATCO AI), പ്രമുഖരായ മാഗ്നം ഐസ്ക്രീം കമ്പനിയും (TMICC) ആണ് ഒന്നിക്കുന്നത്.
വിലയും കുറവ്, ശരീരത്തും പിടിക്കും
ഐസ്ക്രീം, മറ്റ് ഫ്രോസണ്, ക്രീം അധിഷ്ഠിത ഭക്ഷണം എന്നിവ സൃഷ്ടിക്കുന്നതില് മാത്രം ഒതുങ്ങില്ല ഈ കൂട്ടുകെട്ട്. ചെലവ് കുറയ്ക്കല്, ഉല്പ്പന്നങ്ങളിലെ കലോറി സന്തുലനം എന്നിങ്ങനെ നീളുന്നു ഈ എഐ കൂട്ടുകെട്ടിന്റെ ലക്ഷ്യങ്ങള്. മാഗ്നം ഐസ്ക്രീമിനെ സംബന്ധിച്ച് ഈ കൂട്ടുകെട്ട് ഒരു ടേര്ണിംഗ് പോയിന്റ് ആയിരിക്കുമെന്നു പ്രതീക്ഷിക്കുന്നു.
പുതിയ വിപ്ലവത്തിന്റെ തുടക്കം? മാഗ്നം ഐസ്ക്രീം കമ്പനിയും, നാറ്റ്കോ എഐയും തമ്മിലുള്ള സഹകരണം ഭക്ഷ്യ സാങ്കേതികവിദ്യയിലെ എഐ വിപ്ലവത്തിന്റെ ആദ്യ ഉദാഹരണങ്ങളിലൊന്നായാണ് വിദഗ്ധര് കാണുന്നത്. ചിലിയന് സ്റ്റാര്ട്ടപ്പായ നോറ്റ്കോ എഐയുമായുള്ള പങ്കാളിത്തം മാഗ്നത്തിന് വിപണിയില് മുന്തൂക്കം നല്കുമെന്ന് കരുതുന്നു. ഐസ്ക്രീമിന്റെയും, ഫ്രോസണ് ഡെസേര്ട്ടുകളുടെയും ഭാവി ആവശ്യകതയെ അടിസ്ഥാനമാക്കിയുള്ള നവീകരണവും, വളര്ച്ചയും ത്വരിതപ്പെടുത്താന് ഇതു കമ്പനിയെ സഹായിക്കും.
പുതിയ രുചികളും, ഉല്പ്പന്നങ്ങളും
നാറ്റ്കോ എഐയുമായുള്ള സഹകരണം പുതിയ ഉല്പ്പന്നങ്ങള് നിര്മ്മിക്കാനും, പോഷകസമൃദ്ധമായ പുതിയ രുചികള് സൃഷ്ടിക്കാനും സഹായിക്കുമെന്ന് ഡച്ച് ഐസ്ക്രീം കമ്പനിയായ മാഗ്നം വിശ്വസിക്കുന്നു. ഫാസ്റ്റ്ഫുഡിന്റെ കാലത്ത് കലോറി, പഞ്ചസാര, കൊഴുപ്പ് എന്നിവ കുറച്ചുള്ള നീക്കം കമ്പനിക്ക് മേല്കൈ നല്കും. സസ്യാധിഷ്ഠിത ഐസ്ക്രീമുകള് ഉണ്ടാക്കാനും, മൊത്തത്തിലുള്ള ഉല്പ്പാദനച്ചെലവ് കൈകാര്യം ചെയ്യാനും എഐ സഹായിക്കുമെന്നു കരുതുന്നു.
നാറ്റ്കോം ചില്ലറക്കാരനല്ല. കണ്സ്യൂമര് പാക്കേജ്ഡ് സാധനങ്ങള്ക്കായി പ്രത്യേകം രൂപകല്പ്പന ചെയ്ത ലോകത്തിലെ ആദ്യത്തെ എഐ അടിസ്ഥാന പ്ലാറ്റ്ഫോം നോറ്റ്കോ സൃഷ്ടിച്ചിട്ടുണ്ടെന്ന് മാഗ്നം പറയുന്നു. ഗ്യൂസെപ്പെ എഐ എന്നു വിളിക്കപ്പെടുന്ന ഈ എഐ നിരവധി പാനീയ സിപിജി കമ്പനികള് ഉപയോഗിച്ച് ഫലം കണ്ടിട്ടുണ്ടെന്നും റിപ്പോര്ട്ടുകള് കൂട്ടിച്ചേര്ക്കുന്നു. ഒരു ദശാബ്ദത്തിലേറെയായി ഉയര്ന്ന നിലവാരമുള്ളതും, ഭക്ഷണത്തിന്റെയും ഉപഭോഗ വസ്തുക്കളുടെയും ഒരു സ്വകാര്യ ഡാറ്റാസെറ്റ് ഉപയോഗിച്ച് പരിശീലിപ്പിക്കപ്പെടുന്ന ഒന്നാണ് നാറ്റ്കോയുടെ എഐ ടൂള്.
