Kerala Times Bureau
Life Insurance> യാത്രകള് എന്നും സുരക്ഷിതമാകണമെന്നാണ് ഏവരുടെയും ആഗ്രഹം. എന്നാല് നിര്ഭാഗ്യവശാല് ചിലപ്പോള് ചിലരുടെ യാത്രകള് പലര്ക്കും തീരാ വേദനയായി മാറുന്നു. ഇത്തരം വിയോഗങ്ങള് ഒരു കുടുംബത്തിന്റെ വരുമാനത്തെ വരെ ബാധിക്കാം. സുരക്ഷ നടപടികള് ശക്തമാക്കുമ്പോള് രാജ്യത്ത് അടുത്തിടെ ട്രെയിന്റ അപകടങ്ങള് വര്ധിക്കുന്ന പ്രവണത കണ്ടു വരുന്നു. ഈ സാഹചര്യത്തില് യാത്രയില് അല്പം ജാഗ്രത പാലിക്കുന്നത് വളരെ നല്ലതാണ്.
ഇന്ത്യന് റെയില്വേ ഇന്ഷുറന്സ്
നിങ്ങള് ഒരു റെയില്വേ യാത്രക്കാരന് ആണോ? കുറഞ്ഞത് ഒരു തവണയെങ്കിലും ട്രെയിനില് യാത്ര ചെയ്തിട്ടുണ്ടോ? ഇന്ത്യന് റെയില്വേ വാഗ്ദാനം ചെയ്യുന്ന യാത്ര ഇന്ഷുറന്സിനെ പറ്റി നിങ്ങളില് എത്രപേര്ക്ക് അറിയാം. നിങ്ങള് റെയില്വേ ടിക്കറ്റ് ഓണ്ലൈനായി ബുക്ക് ചെയ്താല് അതിനൊപ്പം ഒരു ബജറ്റ് ഫ്രണ്ടലി ഇന്ഷുറന്സ് ഓപ്ഷന് കൂടി ലഭിക്കുമെന്ന് നിങ്ങള്ക്ക് അറിയാമോ? ഈ ജനോപകാര നടപടി എന്തുകൊണ്ട് റെയില്വേ കൗണ്ടറുകള് വഴി ടിക്കറ്റ് ബുക്ക് ചെയ്യുന്ന യാത്രക്കാര്ക്ക് നല്കുന്നില്ലെന്ന് അടുത്തിടെ സുപ്രീം കോടതി വരെ ചോദ്യം ഉന്നയിച്ചിരുന്നു.
റെയില്വേ യാത്രാ ഇന്ഷുറന്സ്
ഐആര്സിടിസി വഴി ഓണ്ലൈനായി ടിക്കറ്റ് ബുക്ക് ചെയ്യുന്ന ഉപയോക്താക്കള്ക്കാണ് നിലവില് റെയില്വേ യാത്ര ഇന്ഷുറന്സ് ഓപ്ഷന് നല്കുന്നത്്. ഇത് തികച്ചും ഓപ്ഷണല് ആണ്. അതായത് ഇന്ഷുറന്സ് ഉപയോക്താക്കള്ക്ക് തെരഞ്ഞെടുക്കുകയോ, ഒഴിവാക്കുകയോ ചെയ്യാം. അതേസമയം ഈ ഇന്ഷുറന്സ് നിങ്ങളുടെ സാമ്പത്തിക സുരക്ഷ ഉറപ്പാക്കും. വളരെ ബജറ്റ് ഫ്രണ്ടലിയും ആണ്.
ആര്ക്കും ‘നോ’ പറയാന് കഴിയാത്ത ഓഫര്
വെറും 1 രൂപയ്ക്കാണ് ഇന്ത്യന് റെയില്വേയുടെ അതുല്യ യാത്ര ഇന്ഷുറന്സ് വാഗ്ദാനം ചെയ്യപ്പെടുന്നത്. അതിനാല് തന്നെ ഇതിനോട് നോ പറയുക പലര്ക്കും അസാധ്യമാണ്. നിങ്ങള് യാത്ര ചെയ്യുന്ന ട്രെയിന് അപകടത്തില് പെടുന്ന സാഹചര്യത്തിലാകും ഈ ഇന്ഷുറന്സ് പ്രവര്ത്തിക്കുക. അപകടത്തില് മരണമോ, സ്ഥിരമായ വൈകല്യമോ സംഭവിച്ചാല് ഏകദേശം 10 ലക്ഷം രൂപ വരെ കവറേജ് കിട്ടും. ഭാഗിക വൈകല്യത്തിന് 7.5 ലക്ഷം രൂപ കിട്ടും. ആശുപത്രിയില് പ്രവേശിപ്പിക്കേണ്ടി വന്നാല് 2 ലക്ഷം രൂപ വരെയും കവറേജ് നല്കുന്നതാണ് പദ്ധതി.
ഓണ്ലൈന് ടിക്കറ്റുകള്ക്കു മാത്രം
അതേസമയം ഓണ്ലൈന് റെയില്വേ ടിക്കറ്റുകള്ക്കു മാത്രമേ ഈ ഇന്ഷുറന്സ് ഓപഷന് നിലവില് ലഭിക്കുകയുള്ളുൂ. ഇന്ഷുറന്സ് കമ്പനികളുടെ ഡാറ്റ ഐആര്സിടിസിയുടെ ഡിജിറ്റല് സിസ്റ്റവുമായി നേരിട്ട് ബന്ധിപ്പിച്ചിരിക്കുന്നതിനാലാണിത്. കൗണ്ടര് ടിക്കറ്റുകളില് യാത്രക്കാരുടെ വിവരങ്ങള് സ്വമേധയാ നല്കുന്നു. അതിനാല് അവയില് ഇന്ഷുറന്സ് ചേര്ക്കുന്നത് സാങ്കേതികമായി ബുദ്ധിമുട്ടാണെന്ന് അധികൃതര് പറയുന്നു. ഇത്രയും മികച്ച ഒരു ഓപ്ഷന് ഓണ്ലൈനില് മാത്രം പരിമിതപ്പെടുത്തിയത് സുപ്രീം കോടതിയെ വരെ ചോദ്യം ഉന്നയിക്കാന് പ്രേരിപ്പിച്ചു. ഈ സാഹചര്യത്തില് കൗണ്ടര് ടിക്കറ്റിലും ഇന്ഷുറന്സ് എത്തിയേക്കുമെന്ന് കരുതപ്പെടുന്നു.
