Kerala Times Bureau
കൊച്ചി> സംവിധായകനും നിര്മാതാവുമായ ബി ഉണ്ണികൃഷ്ണനും നിർമ്മാതാവ് ആൻ്റോ ജോസഫിനുമെതിരെ കേസെടുത്ത് പൊലീസ്. നിര്മാതാവ് സാന്ദ്ര തോമസ് നല്കിയ പരാതിയിലാണ് കേസെടുത്തിരിക്കുന്നത്. എറണാകളും സെന്ട്രല് പൊലീസ് എഫ്ഐആര് രജിസ്റ്റര് ചെയ്തു കഴിഞ്ഞു. നിര്മാതാവ് ആന്റോ ജോസഫാണ് കേസില് രണ്ടാം പ്രതിയാണ്. ഹേമ കമ്മിറ്റിക്ക് മൊഴി കൊടുത്തതിന്റെ വിരോധം തീര്ക്കും വിധം ഫെഫ്ക ജനറല് സെക്രട്ടറി ബി ഉണ്ണികൃഷ്ണന് പെരുമാറിയെന്നാണ് സാന്ദ്ര തോമസിന്റെ പരാതി. എഫ്.ഐ.ആറിന്റെ പകര്പ്പ് കേരള ടൈംസിന് ലഭിച്ചു.
സിനിമാമേഖലയില് നിന്നും തന്നെ മാറ്റിനിര്ത്താനുള്ള ശ്രമങ്ങളാണ് നടത്തുന്നതെന്നാണ് സാന്ദ്ര തോമസിന്റെ പരാതിയില് പറയുന്നത്. സംഘടനയുടെ യോഗത്തില് വച്ച് തന്നെ അപമാനിച്ചുവെന്നും പരാതിയിലുണ്ട്. നേരത്തെ നിര്മാതാക്കളുടെ സംഘടനയില് നിന്നും സാന്ദ്ര തോമസിനെ പുറത്താക്കിയത് വലിയ ചര്ച്ചകള്ക്ക് വഴിവെച്ചിരുന്നു. ഈ പുറത്താക്കല് നടപടി കോടതി നിലവില് സ്റ്റേ ചെയ്തിരിക്കുകയാണ്.
