ക്രിമിനല് പശ്ചാത്തലമുള്ള അന്സിലിനുമായി തെറ്റിയത് മറ്റൊരു ബന്ധത്തിന്റെ പേരില്; മാതിരപ്പള്ളി സ്വദേശിയെ ഒഴിവാക്കാനായി വീട്ടിലേക്ക് വിളിച്ചുവരുത്തി വിഷം നല്കി; ബന്ധുവായ പെണ്സുഹൃത്തിന്റെ പ്രതികാരത്തിന് പിന്നില് സാമ്പത്തിക തര്ക്കങ്ങളും
കൊച്ചി> കോതമംഗലത്തെ യുവാവിന്റെ മരണം വിഷം ഉള്ളില്ച്ചെന്നെന്ന് സ്ഥിരീകരണം. പ്രാഥമിക പോസ്റ്റ്മോര്ട്ടം റിപ്പോര്ട്ടിലാണ് മാതിരപ്പള്ളി സ്വദേശി അന്സിലിന്റെ മരണം കളനാശിനി ഉള്ളില്ചെന്നാണെന്ന് സ്ഥിരീകരിച്ചത്. കസ്റ്റഡിയിലുള്ള പെണ്സുഹൃത്തിൻ്റെ അറസ്റ്റ് രേഖപ്പെടുത്തി. ചേലാട് സ്വദേശിനിയായ അദീനയാണ് പ്രതി. മാതിരപ്പിള്ളി സ്വദേശി അന്സിലിനെയാണ് യുവതി വിഷം കൊടുത്ത് കൊലപ്പെടുത്തിയത്.
