കണിയൊരുക്കാൻ കൊന്നപ്പൂക്കൾ കടൽ കടന്നെത്തി; വിഷുവിനെ വരവേൽക്കാനൊരുങ്ങി പ്രവാസി മലയാളികൾ
ദുബായ്> വിഷുവിനെ വരവേൽക്കാനൊരുങ്ങി പ്രവാസി മലയാളികള്. പശ്ചിമേഷ്യയിലെ സംഘർഷം സാഹചര്യത്തിലും ആഘോഷങ്ങളുടെ മാറ്റ് കുറയാതെ വിഷുക്കണിയും സദ്യവട്ടവും ഒരുക്കാനുള്ള തിരക്കിലാണ് ഗൾഫ് രാജ്യങ്ങളിലെ മലയാളികള്. വിഷു പ്രമാണിച്ച് സദ്യ ഒരുക്കുന്നതിനുള്ള പച്ചക്കറികളും വിഷുക്കണിക്ക് വേണ്ട സാധനങ്ങളും സൂപ്പര് മാര്ക്കറ്റുകളിലും ഹൈപ്പര്മാർക്കറ്റുകളിലും എത്തിയതോടെ വിപണി സജീവമായി.
