Kerala Times Bureau
Post Office Fixed Deposit> റിസ്ക് രഹിത നിക്ഷേപങ്ങളില് നിന്നു മികച്ച റിട്ടേണ് ആഗ്രഹിക്കുന്നവരാണ് നിക്ഷേപകരില് അധികവും. കഷ്ടപ്പെട്ടു സമ്പാദിച്ച തുകയില് ഒരു രൂപ പോലും നഷട്പ്പെടുത്താന് ആരും ആഗ്രഹിക്കുന്നില്ല. സമ്പാദ്യം വളര്ത്താന് ഓഹരി വിപണികള് സൂപ്പര് ഓപ്ഷന് ആണെങ്കിലും ഇവിടെ റിസ്ക് വളരെ കൂടുതലാണ്. ഒരു തെറ്റായ നീക്കം ഇവിടെ നിങ്ങളുടെ മൂലധനത്തെ പൂര്ണ്ണമായും തുടച്ചു നീക്കം. ഇവിടെയാണ് റിസ്ക് രഹിത നിക്ഷേപങ്ങള്ക്കുള്ള ഡിമാന്ഡ്.
റിസ്ക് ഫ്രീ നിക്ഷേപങ്ങള് തെരയുന്ന നിക്ഷേപകരുടെ ആദ്യ ചോയിസ് ബാങ്കുകളുടെ എഫ്ഡികളാണ്. ബാങ്കുകളുടെ നിക്ഷേപങ്ങള് തമ്മില് താരതമ്യപ്പെടുത്തുന്ന പലരും അതിലും മികച്ച പോസ്റ്റ് ഓഫീസ് എന്ന ഓപ്ഷന് കാണാതെ പോകുന്നു. കേന്ദ്ര സര്ക്കാരിന്റെ പിന്ബലത്തില് പ്രവര്ത്തിക്കുന്ന പോസ്റ്റ് ഓഫീസിനേക്കാള് മികച്ച സുരക്ഷ നിങ്ങള്ക്കു വേറെ എവിടെ ലഭിക്കും. പോസ്റ്റ് ഓഫീസ് നിക്ഷേപം വഴി നിങ്ങള്ക്ക് 1 ലക്ഷം രൂപയ്ക്ക് 44,995 രൂപ പലിശ നേടാന് കഴിയുമെന്ന് പറഞ്ഞാല് നിങ്ങള് വിശ്വസിക്കുമോ?
പറഞ്ഞു വരുന്നത് പോസ്റ്റ് ഓഫീസ് ടൈം ഡെപ്പോസിറ്റ് (TD) സ്കീം അഥവാ പോസ്റ്റ് ഓഫീസ് എഫ്ഡികളെ പറ്റിയാണ്. ബാങ്ക് എഫ്ഡികള്ക്ക് സമാനമാണ് ഇവയുടെ പ്രവര്ത്തനം. പക്ഷെ പോസ്റ്റ് ഓഫീസ് എഫ്ഡികള് ബാങ്ക് സ്ഥിര നിക്ഷേപങ്ങളേക്കാള് വഴക്കവും, നേട്ടവും നിക്ഷേപകര്ക്കു വാഗ്ദാനം ചെയ്യുന്നു.
1 വര്ഷം, 2 വര്ഷം, 3 വര്ഷം, 5 വര്ഷം കാലാവധികളില് പോസ്റ്റ് ഓഫീസ് എഫ്ഡികള് ലഭ്യമാണ്. പോസ്റ്റ് ഓഫീസിയെ ഒരു വര്ഷത്തെ എഫ്ഡി 6.9% പലിശ വാഗ്ദാനം ചെയ്യുന്നു. രണ്ട് വര്ഷത്തെ എഫ്ഡി 7.0% പലിശയും, മൂന്ന് വര്ഷത്തെ എഫ്ഡികള് 7.1% പലിശയും വാഗ്ദാനം ചെയ്യുന്നു. അഞ്ച് വര്ഷത്തെ എഫ്ഡിക്ക് 7.5 ശതമാനം ആണ് പലിശ. ഈ പലിശ നിരക്ക് പല ബാങ്കുകളുടെയും ദീര്ഘകാല നിക്ഷേപങ്ങള് പോലും വാഗ്ദാനം ചെയ്യുന്നില്ല. അതിനാല് പോസ്റ്റ് ഓഫീസ് നിക്ഷേപങ്ങള് ബാങ്കുകളിലെ നിക്ഷേപങ്ങളേക്കാള് വേഗത്തില് വളരുന്നു.
ഏതൊരു സാധാരണക്കാരനും അനുയോജ്യമായ രീതിയിലാണ് പോസ്റ്റ് ഓഫീസ് എഫ്ഡികള് രൂപകല്പ്പന ചെയ്തിരിക്കുന്നത്. 1000 രൂപ മുതല് ഇവിടെ നിക്ഷേപം സാധ്യമാണ്. പരമാവധി പരിധി ഇല്ലാത്തതു കൊണ്ട് തന്നെ എത്ര രൂപ വേണമെങ്കിലും നിക്ഷേപിക്കാം. സിംഗിള് അക്കൗണ്ടും, ജോയിന്റ് അക്കൗണ്ടും ലഭ്യമാണ്. ജോയിന്റ് അക്കൗണ്ടില് പരമാവധി മൂന്ന് പേരെ വരെ ഉള്ക്കൊള്ളിക്കാം.
ഇനി നേട്ടം എങ്ങനെയെന്ന് നോക്കിയാല് 1 ലക്ഷം നിക്ഷേപത്തിന് 44,995 രൂപ വരെ പലിശ കിട്ടുമെന്നു പറഞ്ഞാല് നിങ്ങള് വിശ്വസിക്കുമോ? അതിനായി എങ്ങനെ നിക്ഷേപം ക്രമപ്പെടുത്തണമെന്നാണ് ഇനി പറയുന്നത്. ഇതിനായി നിങ്ങള് പോസ്റ്റ് ഓഫീസ് എഫഡിയുടെ 5 വര്ഷത്തെ നിക്ഷേപ കാലയളവ് തെരഞ്ഞെടുക്കേണ്ടതുണ്ട്. ഇവിടെ പലിശ നിരക്ക് 7.5% ആണെന്ന് പറഞ്ഞു കഴിഞ്ഞല്ലോ? അതിനാല് 1 ലക്ഷം നിക്ഷേപത്തിന് കാലാവധിയില് 1,44,995 രൂപ കൈയ്യില് കിട്ടുമെന്ന് റിട്ടേണ് കാല്ക്കുലേറ്റര് വ്യക്തമാക്കുന്നു.
Disclaimer: മുകളില് പറഞ്ഞ കണക്കുകള് നിലവിലെ റിപ്പോര്ട്ടുകളും, നിക്ഷേപ കാല്ക്കുലേറ്ററും പ്രകാരമാണ്. നിരക്കിലെ മാറ്റങ്ങള് റിട്ടേണിനെയും ബാധിക്കാം. അതിനാല് നിക്ഷേപങ്ങള്ക്കു മുമ്പ് കാര്യങ്ങള് ഉറപ്പുവരുത്തുക.
