Kerala Times Bureau
Hidden Charges in Personal Loan> വ്യക്തിഗത വായ്പ യെടുക്കുമ്പോൾ പലിശ നിരക്കിനെ കുറിച്ചും ,എത്ര തുക തിരിച്ചടക്കണം എന്നതിനെ കുറിച്ചുമൊക്കെ നമ്മൾ ശ്രദ്ധിക്കാറുണ്ട്. എന്നാൽ ഇന്ന് പല വായ്പ ദാതാക്കളും ഹിഡൻ ചാർജുകളും, മറ്റു പിഴകളും ചുമത്താറുണ്ട്. എന്നാൽ ഇത്തരം ഫീസുകൾ കുറിച്ച് നമ്മൾ ശ്രദ്ധിക്കാറില്ല. നമ്മൾ എടുക്കുന്നതിന്റെ എത്രയോ അധിക തുകയാണ് തിരിച്ചടക്കേണ്ടി വരുന്നത്. അതിനു പുറമെ വരുന്ന അധിക ചിലവുകൾ വായ്പ വലിയൊരു ബാധ്യതയാക്കി മാറ്റുന്നു.
പ്രീപേയ്മെന്റ് ചാർജുകൾ
നമ്മൾ വായ്പകൾ എടുക്കുമ്പോൾ കുറച്ചധികം അടച്ചുകൊണ്ട് വേഗം വായ്പ തിരിച്ചടക്കാൻ ശ്രമിക്കാറുണ്ട്. എന്നാൽ പറഞ്ഞ കാലാവധിക്ക് മുൻപ് വായ്പ അടച്ചു കഴിഞ്ഞാൽ അതിനു ഒരു ചാർജ് ചില വായ്പ ദാതാക്കൾ ഈടാക്കുന്നുണ്ട്. ഇതാണ് പ്രീ പേയ്മെന്റ് ചാർജ് എന്ന് പറയുന്നത്. ഇത് അടക്കാൻ ബാക്കിയുള്ള തുകയുടെ 2 -5 ശതമാനമായി വരും. അടക്കാനുള്ള തുക പൂർണമായും അടച്ചാലും, കാലാവധിക്ക് മുൻപ് അടച്ചു തീർക്കുന്നതിന് നിങ്ങൾ ഒരു പിഴ അടക്കണം എന്ന് സാരം.
ഇ എം ഐ മുടങ്ങുമ്പോൾ ഈടാക്കുന്ന പിഴ
ഇ എം ഐ ഒരു തവണ മുടങ്ങിയാൽ തന്നെ വലിയ പിഴയാണ് ചുമത്തുക. മിക്ക വായ്പ ദാതാക്കളും 500 -1000 രൂപ നിരക്കിൽ ലേറ്റ് പേയ്മെന്റ് ഫീ എന്ന പേരിൽ ഒരു തുക ഈടാക്കുന്നുണ്ട്. ഇതിനു പുറമെ 2 -3 ശതമാനത്തിന്റെ പലിശ അടക്കാൻ വൈകിയ തുകയ്ക്ക് മുകളിൽ ഈടാക്കുന്നു.
ബൗൺസ് ചാർജ്
ഇ എം ഐ ഇപ്പോൾ ഓട്ടോ ഡെബിറ്റ് ആയതിനാൽ അഥവാ നിങ്ങളുടെ ബാങ്ക് അക്കൗണ്ടിൽ പൈസ കുറഞ്ഞു പോയാൽ ഒരു അടവ് അവിടെ മുടങ്ങുന്നു. ഇത് നിങ്ങളുടെ ക്രെഡിറ്റ് സ്കോറിനെ ദോഷകരമായാണ് ബാധിക്കുന്നത്. ഇത് ഭാവിയിൽ മറ്റൊരു വായ്പ ലഭിക്കുന്നതിന് ബുദ്ധിമുട്ടുണ്ടാക്കും. ഇത്തരത്തിൽ ഓട്ടോ ഡെബിറ്റ് വഴി തുക എടുത്തു പ്പോയില്ല എങ്കിൽ 300 -500 രൂപ നിരക്കിൽ പിഴ ഈടാക്കുന്നുണ്ട്.
പ്രോസസ്സിംഗ് ഫീ
വായ്പ അനുദിക്കുന്ന സമയത്ത് വായ്പ തുകയ്ക്ക് മുകളിൽ ഒറ്റ തവണയായി ഈടാക്കുന്ന ഫീയാണിത്. പലപോഴും ഈ ഫീ കഴിഞ്ഞുള്ള തുകയാണ് അക്കൗണ്ടിൽ ക്രെഡിറ്റ് ആകാറുള്ളത്. സാധാരണ വായ്പ ദാതാക്കൾ 1-3 ശതമാനമാണ് പ്രോസസ്സിംഗ് ഫീസായി ഈടാക്കുന്നത്.
അഡ്മിൻ ചാർജ്
വായ നുവദിക്കുന്ന സമയത്ത് പേപ്പർ വർക്കുകൾക്കായി പല വായ്പ ദാതാക്കളും ഈടാക്കുന്ന ഫീസാണിത്. ഒരു വായ്പ അനുവദിക്കുമ്പോൾ പല തരത്തിലുള്ള ഡോക്യൂമെന്റുകളും സമർപ്പിക്കേണ്ടതായി വരാറുണ്ട്. ഈ ഡോക്യുമെന്റേഷനായി ബാങ്കുകൾ ഈടാക്കുന്ന ചാർജാണിത്. പലപോഴും വായ്പകൾക്ക് ഒരു ലോക്ക് ഇൻ പിരിയഡ് വായ്പ ദാതാക്കൾ നിശ്ചയിക്കുന്നുണ്ട്. പലിശയല്ലാതെ വായ്പ നേരത്തെ കൂട്ടി തിരിച്ചടക്കുന്നത് ഈ ലോക്ക് ഇൻ പീരിയഡ് കഴിഞ്ഞിട്ടാകണം. സാധാരണ 6 -12 മാസ കാലയളവിലാണ് ഓക്ക് ഇൻ പീരിയഡ് തീരുമാനിക്കാറുള്ളത്. വ്യക്തിഗത വായ്പകൾ എടുക്കും മുൻ ഇത്തരം ചാർജുകൾ ആ ബാങ്ക് അല്ലെങ്കിൽ കമ്പനി ഈടാക്കുന്നുണ്ടോ എന്നത് ഉറപ്പു വരുത്തുക.
