Kerala Times Bureau
Tata Year End Offers> 2025 അവസാനത്തോട് അടുത്തതോടെ ഓഫറുകള് കൊണ്ട് ജനശ്രദ്ധ പിടിച്ചുപറ്റുന്ന തിരക്കിലാണ് കമ്പനികള്. നിലവില് വാര്ഷാവസാന ഓഫറുകള് കൊണ്ട് അമ്പരപ്പിച്ചിരിക്കുന്നത് ഇന്ത്യയിലെ മുന്നിര വാഹന നിര്മ്മാതാക്കളായ ടാറ്റയാണ്. വെറും 4999 രൂപ ഇഎംഐയ്ക്ക് ഒരു സാധാരണ കാറും (പെട്രോള്, ഡീസല് മോഡലുകള്), 5999 രൂപയ്്ക്ക് ഒരു ഇവിയും (ഇലക്ട്രിക് കാര്) സ്വന്തമാക്കാന് സാധിക്കും. അതെ ടാറ്റ മോട്ടോഴ്സിന്റെ വര്ഷാവസാന ഇഎംഐ സ്കീം ബജറ്റ് പ്രേമികളുടെ മനം കവരുകയാണ്.
ടാറ്റ വര്ഷാവസാന ഇഎംഐ സ്കീം
2025 ഡിസംബര് 31 വരെയാകും ടാറ്റയുടെ ഈ പ്രത്യേക ഇഎംഐ ഓഫറുകള് ഉപയോക്താക്കള്ക്ക് ഉപയോഗിക്കാന് സാധിക്കുക. ടാറ്റയുടെ വിവിധ ഇന്റേണല് കംബസ്റ്റണ് എന്ജിന് (ICE), ഇലക്ട്രിക് വെഹിക്കിള് (EV) പോര്ട്ട്ഫോളിയോകള്ക്ക് ഈ ഓഫറുകള് ബാധകമാണ്. ഏകദേശം 10 ഓളം ജനപ്രിയ മോഡലുകള്ക്ക് ആനുകൂല്യങ്ങള് പ്രഖ്യാപിച്ചിട്ടുണ്ട്. എന്നാല് മോഡലുകളുടെ വിലയ്ക്ക് അനുസരിച്ച് ഓഫറുകളിലും, ഇഎംഐയിലും മാറ്റങ്ങള് ഉണ്ടായിരിക്കും.
സൂപ്പര് ഓഫര് മോഡല്
ഈ വര്ഷം ഓഫറുകളില് തിളങ്ങിയിരിക്കുന്നത് ടാറ്റയുടെ ടിയാഗോ മോഡല് ആണ്. സാധാരണക്കാരെ ആകര്ഷിക്കുന്ന തരത്തിലാണ് ഈ ഓഫര്. പെട്രോള്, ഡീസല് ടിയാഗോ മോഡല് വെറും 4999 രൂപ ഇഎംഐയിലും, ഇവി മോഡല് 5999 രൂപ ഇഎംഐയിലും സ്വന്തമാക്കാം.
ഫ്ലെക്സിബിള് ഫിനാന്സിംഗ് ഘടന
ഉപയോക്താക്കളെ ആകര്ഷിക്കാന് ടാറ്റ രണ്ടുതരം ഫിനാന്സ് ഘടനകളാണ് മുന്നോട്ടുവച്ചിരിക്കുന്നത്. ഒന്ന് ബലൂണ് ഫിനാന്സിംഗ്. രണ്ട് എക്സ്റ്റെന്ഡഡ് ടെന്വര്.
ബലൂണ് ഫിനാന്സിംഗ്: കുറഞ്ഞ പ്രതിമാസ ഇഎംഐകള് ആഗ്രഹിക്കുന്നവര്ക്ക് വേണ്ടിയുള്ള ഓഫറിംഗ് ആണിത്. പെട്രോള്, ഡീസല് കാറുകള്ക്കാകും ഈ ഫിനാന്സിംഗ് സ്കീം ലഭിക്കുക. ഇവിടെ ഫിനാന്സിംഗ് കാലാവധി 7 വര്ഷം (84 മാസം) വരെ ആയിരിക്കും. പേരുപോലെ വായ്പയുടെ അവസാനം കൂടുതല് അടവ് വരുന്ന തരത്തിലാണ് ഈ സ്കീം. വായ്പാ കാലാവധിയുടെ അവസാനത്തില് ലോണ് തുകയുടെ 25% മുതല് 30% വരെ ഒറ്റത്തവണയായി തീര്ക്കേണ്ടി വരും. അതേസമയം പ്രതിമാസ ഇഎംഐകള് വളരെ കുറവായിരിക്കും.
എക്സ്റ്റെന്ഡഡ് ടെന്വര്: ഈ സ്കീം ഇവികള്ക്ക് വേണ്ടിയുള്ളതാണ്. സാധാരണ വാഹനങ്ങളെ അപേക്ഷിച്ച് ഇവികള്ക്ക വില കൂടുതലാണെന്ന് അറിയാമല്ലോ? അതിനാല് ഇഎംഐ കുറയ്ക്കാനായി ദീര്ഘകാല വായ്പ അനുവദിക്കുന്നു. ഇവിടെ വായ്പാ കാലാവധി 120 മാസം (10 വര്ഷം) വരെയായിരിക്കും. ഇത് പ്രാരംഭ വാങ്ങല് വില കുറയ്ക്കുന്നു.
അധിക ആനുകൂല്യങ്ങള്
മുകളില് പറഞ്ഞ ഇഎംഐ ഡീലുകള്ക്കു പുറമേ ഉപയോക്താക്കള്ക്കായി വമ്പന് ഓഫറുകളും ടാറ്റ പ്രഖ്യാപിച്ചിട്ടുണ്ട്. 2024, 2025 ഇന്വെന്ററി ക്ലിയര് ചെയ്യുന്നതി’െ ഭാഗമായാണ് ഈ ഇളവുകള്. അള്ട്രോസ്, പഞ്ച് പോലുള്ള ചില മോഡലുകളുടെ പഴയ സ്റ്റോക്കിന് 50,000 മുതല് 1.85 ലക്ഷം വരെ കഴിവ് ലഭിക്കും. അതേസമയം ഈ കിഴിവുകള് ക്യാഷ് + എക്സ്ചേഞ്ച് മോഡിലാകും. പുതുതായി പുറത്തിറക്കിയ Curvv.ev മോഡലിന് ചില മേഖലകളില് കമ്പനി 3.95 ലക്ഷം വരെ നീളുന്ന വിവിധ ഫ്ലാഗ്ഷിപ്പ് ആനുകൂല്യങ്ങള് നല്കുന്നതായും റിപ്പോര്ട്ടുകളുണ്ട്.
ടാറ്റ ഓഫറുകള്: ഒറ്റനോട്ടത്തില് (ഇഎംഐ)
വാഹന വിഭാഗംഐസിഇ മോഡല്ഇവി മോഡല്ഹാച്ച്ബാക്ക്ടിയാഗോ: 4,999 രൂപടിയാഗോ.ഇവി: 5,999 രൂപകോംപാക്റ്റ് സെഡാന്ടിഗോര്: 5,999 രൂപ-മൈക്രോ-എസ്യുവിപഞ്ച്: 5,999 രൂപപഞ്ച്.ഇവി: 7,999 രൂപപ്രീമിയം ഹാച്ച്ആള്ട്രോസ്: 6,777 രൂപ-കോംപാക്റ്റ് എസ്യുവിനെക്സണ്: 7,666 രൂപനെക്സണ്.ഇവി: 10,999 രൂപഎസ്യുവി കൂപ്പെകര്വ്വ്: 9,999 രൂപകര്വ്വ്.ഇവി: 14,555 രൂപ
Disclaimer: മുകളില് പറഞ്ഞ വിവരങ്ങള് നിലവില് ലഭ്യമായ റിപ്പോര്ട്ടുകളെ അടിസ്ഥാനമാക്കിയാണ്. ഡൗണ് പേയ്മെന്റ്, നിങ്ങളുടെ പ്രദേശം, ഡീലര്, ഓണ്-റോഡ് വില പോലുള്ള ഘടകങ്ങള് അന്തിമ ഓഫറുകളെ ബാധിക്കാം. കൂടുതല് വിവരങ്ങള്ക്ക് അടുത്തുള്ള ടാറ്റ മോട്ടോഴ്സ് ശാഖകളുമായി ബന്ധപ്പെടുക.
