വിപണിയിലെ കൃത്രിമത്വം; കല്യാൺ ജ്വല്ലേഴ്‌സിനോട് എൻ‌എസ്‌ഇ വിശദീകരണം തേടി

വിപണിയിൽ കൃത്രിമം നടന്നതായി സെബിയെ അറിയിച്ചതായും ഫ്യൂച്ചേഴ്‌സ് & ഓപ്ഷൻസ് (എഫ് & ഒ) വിഭാഗത്തിൽ നിന്ന് താൽക്കാലികമായി സസ്പെൻഡ് ചെയ്യണമെന്നും കല്യാൺ ജ്വല്ലേഴ്‌സ് ഇന്ത്യ ലിമിറ്റഡ് ആവശ്യപ്പെട്ടതായും നാഷണൽ സ്റ്റോക്ക് എക്സ്ചേഞ്ച് (എൻ‌എസ്‌ഇ) അറിയിച്ചതായി ബിസിനസ് ലൈൻ റിപ്പോർട്ട് ചെയ്തു.. കമ്പനിയുടെ മറുപടി കാത്തിരിക്കുകയാണ്.

കല്യാൺ ജ്വല്ലേഴ്‌സ് ഓഹരി വ്യാപാരത്തിൽ കൃത്രിമത്വം ആരോപിച്ച് സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യയെ (സെബി) സമീപിച്ചതായും അന്വേഷണം പൂർത്തിയാകുന്നതുവരെ എഫ് & ഒ വ്യാപാരം താൽക്കാലികമായി നിർത്തിവയ്ക്കണമെന്നും ആവശ്യപ്പെട്ടതായി നേരത്തെ മാധ്യമങ്ങൾ റിപ്പോർട്ട് ചെയ്തിരുന്നു . ഉച്ചയ്ക്ക് 2 മണിയോടെ എൻഎസ്ഇയിൽ കല്യാൺ ജ്വല്ലേഴ്‌സിന്റെ ഓഹരികൾ ഏകദേശം 13% ഉയർന്ന് ₹429.50 ആയി.