Kerala Times Bureau
Reserve Bank of India (RBI)> കേന്ദ്ര സര്ക്കാരിന്റെ ഏറ്റവും പുതിയ നിക്ഷേപ മാര്ഗങ്ങളില് ഒന്നാണ് സോവറിന് ഗോള്ഡ് ബോണ്ട്സ് അഥവാ എസ്ജിബി. സര്ക്കാരിനു വേണ്ടി ആര്ബിഐ ആണ് ഈ നിക്ഷേപ പദ്ധതി കൈകാര്യം ചെയ്യുന്നത്. ഉപയോക്താക്കളെ ഫിസിക്കല് സ്വര്ണ്ണം വാങ്ങാതെ തന്നെ ലോഹത്തില് നിന്ന് നേട്ടം കൊയ്യാന് അനുവദിക്കുന്ന നിക്ഷേപമാണിത്.
നിലവില് എസ്ജിബി വീണ്ടും വാര്ത്തകളില് നിറഞ്ഞിരിക്കുന്നു. 2017 ഡിസംബര് 4 ന് പുറത്തിറക്കിയ സോവറിന് ഗോള്ഡ് ബോണ്ട് 2017-18 സീരീസ് 10 നിക്ഷേപങ്ങള് ഇന്നലെ കാലാവധി പൂര്ത്തീകരിച്ചിരിക്കുന്നു. യൂണിറ്റിന് 12,820 രൂപയാണ് ആര്ബിഐ റിഡംപ്ഷന് പ്രൈസ് തീരുമാനിച്ചിരിക്കുന്നത്. അതായത് നിക്ഷേപത്തിന്റെ റിട്ടേണ് ഏകദേശം 330%. അതായത് പദ്ധതിയില് 1 ലക്ഷം രൂപ നിക്ഷേപിച്ചത് നിലവില് 4.3 ലക്ഷമായിട്ടുണ്ട്.
ആവേശമായി റിഡംപ്ഷന് വില
കാലാവധി പൂര്ത്തീകരിച്ച എസ്ജിബി സീരീസ് നിക്ഷേപകരെ സംബന്ധിച്ച് വന് ലോട്ടറിയായി മാറിയിരിക്കുകയാണ്. എസ്ജിബി സീരീസ് കാലാവധി പൂര്ത്തിയാക്കാന് ഒരുങ്ങവേ സ്വര്ണ്ണവില ഉയര്ന്നതാണ് നേട്ടം വര്ധിക്കാന് കാരണം. എസ്ജിബി മാര്ഗനിര്ദേശങ്ങള് പ്രകാരം റിഡംപ്ഷന് തീയതിക്ക് മുമ്പുള്ള മൂന്ന് പ്രവൃത്തി ദിവസങ്ങളിലെ ഇന്ത്യ ബുള്ളിയന് ആന്ഡ് ജുവലേഴ്സ് അസോസിയേഷന് പ്രസിദ്ധീകരിച്ച 999- ശുദ്ധിയുള്ള സ്വര്ണ്ണത്തിന്റെ ക്ലോസിംഗ് വിലയുടെ ലളിതമായ ശരാശരിയായിരിക്കും റിഡംപ്ഷന് വില. അതായത് ഇന്നലെ കാലാവധി പൂര്ത്തിയാക്കിയ സീരീസ് 10 ന്റെ റിഡംപ്ഷന് വിലയ്ക്കായി പരിഗണിച്ചിരിക്കുന്നത് 2025 ഡിസംബര് 1, 2, 3 തീയതികളിലെ വിലയാണ്.
2017 എസ്ജിബി സീരീസ് 10
2017 ഡിസംബറില് ഒരു ഗ്രാമിന് ഏകദേശം 2,964 രൂപയായിരുന്നു ഇഷ്യൂ വില. ഡിജിറ്റല് പേയ്മെന്റ് മാര്ഗങ്ങള് അവലംബിച്ചവര്ക്ക് ഇഷ്യൂവില 2,914 രൂപയായിരുന്നു. എന്നാല് നിലവില് റിഡംപഷന് വില നിശ്ചയിച്ചിരിക്കുന്നത്് 12,820 രൂപയാണ്. ഇത് യൂണിറ്റിന് 9,856- 9,906 എന്ന മൂലധന വര്ധനവിനെ കാണിക്കുന്നു. അതായത് ആനുകാലിക വാര്ഷിക പലിശ പേയ്മെന്റുകള് ഒഴികെ എട്ട് വര്ഷത്തിനുള്ളില് ഇത് ഏകദേശം 332%- 340% റിട്ടേണ്.
2025 നവംബര് 27 ന് കാലാവധി പൂര്ത്തിയാക്കിയ സീരീസ് 9 ന്റെ റിഡംപ്ഷന് വില 12,484 രൂപയായിരുന്നു. ഇതും 320% റിട്ടേണ് അടയാളപ്പെടുത്തിയിരുന്നു. 2025 നവംബര് 13 പക്വത പ്രാപിബ്ബ സീരീസ് 9 ന്റെ റിഡംപ്ഷന് പ്രൈസ് 12,350 രൂപയായിരുന്നു. ദീര്ഘകാല നിക്ഷേപകര്ക്ക് ഏറ്റവും മികച്ച ഓപ്ഷനുകളില് ഒന്നായി മാറുകയാണ് ഈ സര്ക്കാര് നിക്ഷേപ പദ്ധതിയെന്നു വ്യക്തം.
റിഡംപ്ഷന്: നിക്ഷേപകര് അറിയാന്
സീരീസ് എക്സ് കൈവശമുള്ള നിക്ഷേപകര് അധികമായി ഒന്നും ചെയ്യേണ്ടതില്ല. റിഡംപ്ഷന് വരുമാനം എസ്ജിബിയുമായി ലിങ്ക് ചെയ്തിട്ടുള്ള ബാങ്ക് അക്കൗണ്ടിലേക്ക് ക്രെഡിറ്റ് ആകും. പൂര്ണമായും കാലാവധി പൂര്ത്തിയാക്കയ ശേഷമാണ് റിഡംപഷന് എങ്കില് ലഭിച്ച വരുമാനം അഥവാ മൂലധന നേട്ടം പൂര്ണ്ണമായും നികുതിരഹിതമാണ്. എന്നാല് ഹോള്ഡിംഗ് കാലയളവില് ലഭിക്കുന്ന 2.5% വാര്ഷിക പലിശ നിക്ഷേപകന്റെ ആദായനികുതി സ്ലാബ് പ്രകാരം നികുതി വിധേയമാണെന്ന് അറിയുക.
