Kerala Times Bureau
BSNL Mobile Recharge Plans> പൊതുമേഖല ടെലികോം സ്ഥാപനമായ ബിഎസ്എന്എല് വീണ്ടും ഉപയോക്താക്കളുടെ ശ്രദ്ധനേടുന്നു. രണ്ട് പോക്കറ്റ് ഫ്രണ്ട്ലി പ്ലാനുകളാണ് കമ്പനി അവതരിപ്പിച്ചിരിക്കുന്നത്. ഇതോടെ റിലയന്സ് ജിയോ, ഭാരതി എയര്ടെല്, വൊഡഫോണ് ഐഡിയ തുടങ്ങിയ സ്വാകാര്യ ടെലികോം കമ്പനികളുമായുള്ള മത്സരം ശക്തമാക്കിയിരിക്കുകയാണ്. സ്വകാര്യ കമ്പനികള് പ്രീപെയിഡ് താരിഫുകള് ഉയര്ത്താന് ശ്രമിക്കുന്നതിനിടെയാണ് പൊതുമേഖല സ്ഥാപനത്തിന്റെ കരുത്താര്ജിക്കല്. ഒരു വാര്ഷിക പ്ലാനും, 50 ദിവസം വാലിഡിറ്റിയുള്ള മറ്റൊരു പ്ലാനുമാണ് കമ്പനി പ്രഖ്യാപിച്ചിരിക്കുന്നത്.
ബിഎസ്എന്എല് വാര്ഷിക പ്ലാന്
വാര്ഷിക പ്ലാനുകള് തേടുന്ന ഉപയോക്താക്കള്ക്ക് ഇതിലും മികച്ചൊരു ഓഫര് മറ്റൊന്ന് ഇനി കിട്ടാനില്ല. ബിഎസ്എന്എല്ലിന്റെ 2,399 രൂപയുടെ പ്ലാനിനെ പറ്റിയാണ് പറഞ്ഞുവരുന്നത്. ബിഎസ്എന്എല്ലിന്റെ ഏറ്റവും വിലകുറഞ്ഞ പ്ലാനുകളില് ഒന്നാണിത്. 2,399 രൂപയ്ക്ക് ഒരു വര്ഷത്തെ സേവനം ഇവിടെ ആസ്വദിക്കാന് കഴിയും. സ്വകാര്യ കമ്പനികള് ഒരു വര്ഷത്തെ പ്ലാനിന് 3,500 മുതല് 4,000 വരെ ഈടാക്കുമ്പോഴാണ് പൊതുമേഖല സ്ഥാപനത്തിന്റെ ഓഫര്.
ബിഎസ്എന്എല് 2,399 രൂപ റീചാര്ജ് പ്ലാന്
ഈ പ്ലാനിന്റെ വാലിഡിറ്റി 365 ദിവസമാണ്. സൗജന്യ കോളിംഗ്, ദിവസേന ഡാറ്റ, ടിവി, ഒടിടി എന്നിങ്ങനെ നീളുന്നു ആനുകൂല്യങ്ങള്. 2,399 രൂപയുടെ പ്ലാനില് ഇന്ത്യയിലുടനീളം പരിധിയില്ലാത്ത സൗജന്യ കോളിംഗ് ആസ്വദിക്കാം. പ്രതിദിനം 2 ജിബി ഡാറ്റയും, 100 എസ്എംഎസുകളും ലഭിക്കും. 350 -ലധികം ലൈവ് ടിവി ചാനലുകളും, ഒടിടി പ്ലാറ്റ്ഫോമുകളും ഈ പ്ലാനില് ബണ്ടില് ചെയ്തിരിക്കുന്നു. ദിവസച്ചെലവ് പരിഗണിച്ചാല് വെറും 6.57 രൂപ (2399/ 365) മാത്രമാണ്.
ബിഎസ്എന്എല് 347 രൂപ റീചാര്ജ് പ്ലാന്
ബിഎസ്എന്എല്ലിന്റെ 347 രൂപ പ്ലാന് ആണ് മറ്റൊരു ശ്രദ്ധാകേന്ദ്രം. 50 ദിവസത്തെ വാലിഡിറ്റിയാണ് പ്ലാനിനുള്ളത്. ഇവിടെയും പരിധിയില്ലാത്ത ലോക്കല് കോളിംഗ്, പ്രതിദിനം 2 ജിബി ഡാറ്റ എന്നിവ ലഭിക്കും. പ്രതിദിനം 100 സൗജന്യ എസ്എംഎസുകളും ലഭിക്കും. അതേസമയം ഈ പ്ലാനില് റോമിംഗ് നിരക്കുകള് ബാധകമാണെന്ന് പ്രത്യേകം ശ്രദ്ധിക്കുക. 350 -ലധികം ലൈവ് ടിവി ചാനലുകളിലേക്കും, ഒടിടി ആപ്പുകളിലേക്കും ആക്സസ് നല്കുന്ന ബിഐടിവി ആക്സസ് പ്ലാനിന് ബാധകമാണ്.
5% വരെ കിഴിവ് നേടാം
കമ്പനിയുടെ ഔദ്യോഗിക വെബ്സൈറ്റിലൂടെയും, സെല്ഫ്കെയര് ആപ്പിലൂടെയും റീചാര്ജ് ചെയ്യുന്ന ഉപയോക്താക്കള്ക്ക് 5% കിഴിവും പൊതുമേഖല സ്ഥാപനം വാഗ്ദാനം ചെയ്യുന്നു. അതേസമയം ഈ ഇളവ് തെരഞ്ഞെടുത്ത പ്ലാനുകള്ക്കു മാത്രമാകും ലഭിക്കുക്. മുകളില് പറഞ്ഞ 347 രൂപ പ്ലാനിന് 5% കിഴിവിന് അര്ഹതയുണ്ടെന്നു റിപ്പോര്ട്ടുകള് സൂചിപ്പിക്കുന്നു.
Disclaimer: മുകളില് പറഞ്ഞ കാര്യങ്ങള് നിലവില് ലഭ്യമായ വിവരങ്ങളും, റിപ്പോര്ട്ടുകളും അടിസ്ഥാനമാക്കിയാണ്. റീചാര്ജുകള്ക്കു മുമ്പ് ഉറപ്പുവരുത്തുക.
