World’s Most Expensive Cow> ലോകശ്രദ്ധ ആകര്‍ഷിക്കുന്ന, സോഷ്യല്‍ മീഡിയ സെന്‍സേഷന്‍ ആയ ഒരു ഇന്ത്യന്‍ വംശജയും, ബ്രസീലുകാരിയുമായ ഒരു പശുവിനെ പറ്റിയാണ് ഇന്നു പറയുന്നത്. ലോകത്തെ ഏറ്റവും വലിയേറിയ പശുവെന്ന ബഹുമതിയാണ് ഇതിനുള്ളത്. ബ്രസീലില്‍ നിന്നുള്ള പ്രീമിയം പശുവായ Viatina-19 FIV മാര ഇമോവീസിനെ പറ്റിയാണ് പറഞ്ഞുവരുന്നത്. പേര് കേട്ട് ഞെട്ടാന്‍ വരട്ടേ. ഇന്ത്യന്‍ ബ്രീഡ് ആയ നെല്ലൂര്‍ വിഭാഗത്തില്‍ പെട്ട പശുവാണിത്.
അതേ, വിയാറ്റിന-19 നെല്ലുര്‍ ബ്രീഡാണ്. കാര്‍ഷിക മേഖലയില്‍ ഉഴുകലിനും മറ്റും കാലാകാലങ്ങളായി ഉപയോഗിച്ചവരുന്ന ഒരു ബ്രീഡാണിത്. ഏതു കാലവസ്ഥയുമായും, സാഹചര്യങ്ങളുമായും അതിവേശം പൊരുത്തപ്പെടുന്ന ഈ ബ്രീഡ്, അതിന്റെ ശക്തിക്കും, ബുദ്ധികൂര്‍മ്മതയ്ക്കും പേരുകേട്ടതാണ്. ഇന്ത്യന്‍ ഓംഗോള്‍ എന്ന പേരിലും ഈ പശു അറിയപ്പെടുന്നു. റെക്കോഡ് ബ്രേക്കിംഗ് വിലയും, വന്‍ വലിപ്പവും വിയാറ്റിന- 19 നെ ലോകത്തെ അപൂര്‍വ്വ സവിഷേശതയാക്കി മാറ്റുന്നു. അടുത്തിടെ ഒരു ലേലത്തില്‍ 4 മില്യണ്‍ യുഎസ് ഡോളറിന്, അതായത് ഏകദേശം 348 കോടി രൂപയ്ക്കാണ് ഈ പശുവിനെ വിറ്റുപോയത്. ഗിന്നസ് വേള്‍ഡ് റെക്കോഡ് കൂടിയാണിത്. പുതിയ ലേലത്തിലെ വില മുന്‍ റെക്കോഡ് മൂല്യത്തേക്കാള്‍ ഏകദേശം മൂന്നിരട്ടി കൂടുതലാണ്. കന്നുകാലി വ്യവസായത്തില്‍ ഈ പശുവിന് എത്രമാത്രം പ്രത്യേകതയുണ്ടെന്ന് തെളിയിക്കുന്നതാണ് ഈ കണക്കുകള്‍.
വില മാത്രമല്ല, മറ്റു ചില കാര്യങ്ങള്‍ കൂടിയുണ്ട് ഈ ഇന്ത്യന്‍ ഓംഗോളിനെ വ്യത്യസ്തമാക്കുന്നത്. അതില്‍ പ്രധാനം അതിന്റെ വലിപ്പം തന്നെയാണ്. ഏകദേശം 1,100 കിലോഗ്രാം, അതായത് 2,400 പൗണ്ടില്‍ അധികം തൂക്കമുണ്ട് വിയാറ്റിന -19ന്. നെല്ലൂര്‍ ബ്രീഡിലെ മുതിര്‍ന്ന പശുക്കളുടെ ശരാശരിയേക്കാള്‍ ഇരട്ടി ഭാരമുണ്ട് ഇതിന്. ഈ ശ്രദ്ധേയമായ ഭാരവും, ബില്‍ഡും വിയാറ്റിന -19ന്റെ ജനിതക മികവ് വ്യക്തമാക്കുന്നു. ഒരു ശരാശരി നെല്ലൂര്‍ പശുവിന് ഏകദേശം 2,000 ഡോളര്‍ മാത്രമാണ് വില വരുന്നത്. അവിടെയാണ് വിയാറ്റിനയുടെ വില 4 മില്യണ്‍ ഡോളര്‍ ആകുന്നത്. ഉയര്‍ന്ന സ്വഭാവവിശേഷങ്ങള്‍ക്കായി ശ്രദ്ധാപൂര്‍വ്വം വളര്‍ത്തിയെടുത്ത ഒരു പ്രത്യേക ബ്രീഡായി ഈ പശുവിനെ പരിഗണിക്കേണ്ടതുണ്ട്. കന്നുകാലി വളര്‍ത്തല്‍ സാങ്കേതികവിദ്യയുടെ അത്യാധുനിക വശമാണ് Viatina-19 പ്രതിനിധീകരിക്കുന്നത്. ബ്രീഡര്‍മാര്‍ ഇതിന്റെ ജീനുകള്‍ ഭാവി തലമുറയ്ക്കായി ഉപയോഗിക്കാന്‍ തയ്യാറെടുക്കുന്നു.
