ലുലു മാളിലെ പാർക്കിംഗ് ഫീസ്; അപ്പീൽ കേരള ഹൈക്കോടതി തള്ളി

കൊച്ചി>  ഇടപ്പള്ളിയിലെ ലുലു ഷോപ്പിംഗ് മാളിലെ പാർക്കിംഗ് ഏരിയയിൽ പാർക്ക് ചെയ്യുന്ന വാഹനങ്ങളിൽ നിന്ന് പാർക്കിംഗ് ഫീസ് പിരിക്കുന്നതിനെ ചോദ്യം ചെയ്തുള്ള ഹർജി കേരള ഹൈക്കോടതി ശനിയാഴ്ച (ഒക്ടോബർ 25) തള്ളി.

സിംഗിൾ ബെഞ്ചിന്റെ വിധിക്കെതിരെ സമർപ്പിച്ച റിട്ട് അപ്പീൽ ജസ്റ്റിസ് സുശ്രുത് അരവിന്ദ് ധർമ്മാധികാരി , ജസ്റ്റിസ് ശ്യാം കുമാർ വിഎം എന്നിവരടങ്ങിയ ഡിവിഷൻ ബെഞ്ച് പരിഗണിക്കുകയായിരുന്നു. കെട്ടിടത്തിൽ ഷോപ്പിംഗ് സൗകര്യവും സേവനങ്ങളും ഉപയോഗിക്കുമ്പോൾ വാഹനങ്ങൾ പാർക്ക് ചെയ്യുന്നതിന് ഉപഭോക്താക്കളിൽ നിന്ന് പണം ഈടാക്കണോ വേണ്ടയോ എന്ന് കെട്ടിട ഉടമയ്ക്ക് തീരുമാനിക്കാമെന്ന് സിംഗിൾ ജഡ്ജി വിധിച്ചിരുന്നു. ഇതിനെതിരായ അപ്പീലാണ് ഡിവിഷൻ ബെഞ്ച് തള്ളിയത്.

കേസ് നമ്പർ: WA 939/2023

കേസ് : ബോസ്കോ ലൂയിസ് v. കേരള സംസ്ഥാനവും മറ്റുള്ളവയും.