Kerala Times Bureau
പലരുടെയും ജി-മെയിൽ ഇൻബോക്സുകൾ നിറഞ്ഞു കവിയാറുണ്ട്. ന്യൂസ് ലെറ്ററുകൾ, പ്രമോഷണൽ മെയിലുകൾ തുടങ്ങിയവയെല്ലാം പ്രധാന ഇ-മെയിലുകളുടെ ‘വഴി’ തടസ്സപ്പെടുത്തുന്നു. അപ്രധാന മെയിലുകൾ കണ്ടെത്തി ഡിലീറ്റ് ചെയ്യുക എന്നത് അനുസ്യൂതം തുടരുന്ന ഒരു പ്രക്രിയയായി മാറുന്നു. എന്നാൽ ഇതിന് ഒരു പോം വഴിയുണ്ടെന്നതാണ് സത്യം. അധിക പണം നൽകി സ്റ്റോറേജ് വാങ്ങാതെ തന്നെ ഇവിടെ പരിഹാരമുണ്ടാക്കാം.
മുകളിൽ പറഞ്ഞ പ്രശ്നത്തിന് പരിഹാരമായി ജി-മെയിൽ ഒരു മാപ്പിങ് സൊല്യൂഷൻ അവതരിപ്പിച്ചിട്ടുണ്ട്. ജി-മെയിൽ ആപ്പിലെ പുതിയ ഫീച്ചറിലൂടെ ആവശ്യമില്ലാത്ത ഇ-മെയിലുകൾ നിങ്ങൾക്ക് അൺസബ്സ്ക്രൈബ് ചെയ്യാം. ഏത് ബ്രാൻഡിന്റേതാണെങ്കിലും/വെബ്സൈറ്റാണെങ്കിലും നേരിട്ട് അൺസബ്സ്ക്രൈബ് ചെയ്യാമെന്നതാണ് നേട്ടം. ഇതിനായി നിങ്ങൾ ഏതെങ്കിലും വെബ്സൈറ്റ് സന്ദർശിക്കുകയോ, സെറ്റിങ്സിൽ മാറ്റം വരുത്തുകയോ ചെയ്യേണ്ടതില്ല. നിങ്ങളുടെ ഇൻബോക്സ് ക്ലീൻ ആയിരിക്കുമെന്നതും,അനാവശ്യമായ ഇ-മെയിലുകൾ നിങ്ങൾക്ക് ലഭിക്കുകയില്ല എന്നതുമാണ് ഈ ഫീച്ചറിന്റെ നേട്ടം.
ജി-മെയിൽ സബ്സ്ക്രൈബൈഴ്സ് ഫീച്ചർ
ജി-മെയിൽ ആപ്പിൽ പുതിയതായി ലഭ്യമാക്കിയിരിക്കുന്ന സബ്സ്ക്രൈബൈഴ്സ് ഫീച്ചറാണ് പലർക്കും അനുഗ്രഹമാകുന്നത്. ജി-മെയിൽ സ്റ്റോറേജ് സ്പെയ്സ് ലാഭിക്കാൻ ഈ ഫീച്ചർ സഹായിക്കുന്നു. ബ്ലോഗുകൾ, ബ്രാൻഡ് അപ്ഡേറ്റുകൾ, ന്യൂസ് ലെറ്ററുകൾ, ഓഫറുകൾ തുടങ്ങി നിങ്ങൾക്ക് ആവശ്യമില്ലാത്ത ഇ-മെയിലുകൾ അൺ സബ്സ്ക്രൈബ് ചെയ്യാൻ ഇവിടെ സാധിക്കും. ഒരു പ്രത്യേക ബ്രാൻഡിന്റെ ഇ-മെയിലുകൾ ഡിലീറ്റ് ചെയ്യാനും കഴിയും. ഒരു ടാപ്പിലൂടെ സബ്സ്ക്രിപ്ഷൻസ് ക്യാൻസൽ ചെയ്യാം. ഇത് അനാവശ്യ സമയ നഷ്ടവും, അധ്വാനവും ഒഴിവാക്കാൻ സഹായിക്കുന്നു
എങ്ങനെ ഉപയോഗിക്കാം?
ജി-മെയിൽ സബ്സ്ക്രിപ്ഷൻ ഫീച്ചർ ഉപയോഗിക്കുന്നതിനായി ജി-മെയിൽ സെറ്റിങ്സ് സന്ദർശിക്കേണ്ട ആവശ്യമില്ല. ഓരോ ഇ-മെയിലുകളും തുറന്ന് ഈ ഫീച്ചർ പ്രയോജനപ്പെടുത്തേണ്ട കാര്യവുമില്ല. ജി-മെയിൽ മൊബൈൽ ആപ്പ് തുറന്നതിന് ശേഷം ഇടതു വശത്ത് കാണുന്ന മൂന്ന് ലൈനുകളിൽ ക്ലിക്ക് ചെയ്യുക. ഇവിടെ നിങ്ങൾക്ക് പലതരം ഓപ്ഷനുകൾ കാണാൻ സാധിക്കും. ഇതിന് താഴെ സബ്സ്ക്രിപ്ഷൻ സെക്ഷൻ മാനേജ് ചെയ്യാനുള്ള ഓപ്ഷനും ലഭ്യമാണ്. ലെവൽ, തിയ്യതി, ഇ-മെയിൽ ഐ.ഡി തുടങ്ങിയവയും കാണാൻ സാധിക്കും
ഇ-മെയിലിന്റെ മുകളിൽ/ഇ-മെയിൽ അയച്ച പേരിന്റെ അടുത്തായി “Unsubscribe” എന്ന ഓപ്ഷൻ ലഭ്യമാണ്. ഇതാണ് പ്രയോജനപ്പെടുത്തേണ്ടത്. ഇ-മെയിലുകൾ തുടർന്നും ലഭിക്കണമെങ്കിൽ “Subscribe” ചെയ്യാനുള്ള ഓപ്ഷനും ലഭ്യമാണ്. മുമ്പ്, ബ്രാൻജിന്റെ വെബ്സൈറ്റോ, ന്യൂസ് ലെറ്ററോ ഓപ്പൺ ചെയ്തു മാത്രമേ അൺസബ്സ്ക്രൈബ് ചെയ്യാൻ സാധിക്കുമായിരുന്നുള്ളൂ.
