Kerala Times Bureau
BSNL Rs 1 Plan> ക്രിസ്മസ്, പുതുവത്സര കാലയളവില് വീണ്ടും 1 രൂപ മാജിക് പ്ലാന് പുറത്തെടുത്ത് പൊതുമേഖല ടെലികോം കമ്പനിയായ ഭാരത് സഞ്ചാര് നിഗം ലിമിറ്റഡ് (ബിഎസ്എന്എല്). 1 രൂപയ്ക്ക് ഒരു മാസം സേവനം വാഗ്ദാനം ചെയ്യുന്ന ബിഎസ്എന്എല് ഓഫര് വിപണികള്ക്കു പുതിയതല്ല. അതേസമയം പ്രതിദിനം 2 ജിബി അതിവേഗ ഡാറ്റ, അണ്ലിമിറ്റഡ് കോളിംഗ്, പ്രതിദിനം 100 സൗജന്യ എസ്എംഎസ് എന്നിങ്ങനെ നീളുന്ന ഓഫര് ഉപയോക്താക്കളെ ആകര്ഷിക്കുന്നതാണ്.
അതേസമയം ബിഎസ്എന്എല്ലിന്റെ ഈ ഓഫര് പുതിയ ഉപയോക്താക്കളെ മാത്രം ലക്ഷ്യമിട്ടുള്ളതാണ്. അതായത് നിലവിലെ ഉപയോക്താക്കള്ക്ക് വലിയ കാര്യമില്ല. മറ്റു ടെലികോം ഉപയോക്താക്കളില് നിന്ന് മാറ്റം ആഗ്രഹിക്കുന്ന ഉപയോക്താ്ക്കളെ സംബന്ധിച്ച് ഓഫര് നേട്ടമാണ്. സ്വകാര്യ ടെലികോം സേവനദാതാക്കളെ അപേക്ഷിച്ച് നിരവധി ബജറ്റ് പ്ലാനുകള് ബിഎസ്എന്എല്ലിനുണ്ട. അടുത്ത വര്ഷം പകുതിയോടെ 5ജി കൂടി എത്തുന്നതോടെ ബിഎസ്എന്എല് കൂടുതല് കരുത്താര്ജിക്കുമെന്നാണു വിലയിരുത്തല്.
പ്രസ്തുത ഓഫര് 2026 ജനുവരി 6 വരെ ആവശ്യക്കാര്ക്ക് ലഭ്യമാകുമെന്ന് ചില റിപ്പോർട്ടുകൾ സൂചിപ്പിക്കുന്നു. എന്നാൽ ബിഎസ്എൻഎൽ പങ്കുവച്ചിരിക്കുന്ന ഓഫർ പോസ്റ്ററുകളിലും മറ്റും ഡിസംബർ 31 വരെയാകും ഓഫർ ലഭിക്കുക എന്നാണ് കാണിച്ചിരിക്കുന്നത്. സിം കാര്ഡും സൗജന്യമായിരിക്കും. ഓഗസ്റ്റ് ഫ്രീഡം ഓഫര്, ദീപാവലി ഓഫര് എന്നീ പേരുകളില് നിരവധി ഉപയോക്താക്കളെ ആകര്ഷിച്ച ഓഫറാണിത്. നിലവില് ക്രിസ്മസ് ബൊനാന്സ എന്ന പേരില് എത്തുന്ന പ്ലാന് 1 രൂപയ്ക്ക് 30 ദിവസത്തെ സേവനം വാഗ്ദാനം ചെയ്യുന്നു. രാജ്യമെമ്പാടും ഏത് നെറ്റ്വര്ക്കിലേക്കും പരിധിയില്ലാത്ത കോളുകള്, പ്രതിദിനം 2 ജിബി ഹൈസ്പീഡ് 4ജി ഡാറ്റ, പ്രതിദിനം 100 സൗജന്യ എസ്എംഎസ് എന്നിങ്ങനെയാണ് ഓഫറുകള്. മെയ്ഡ്- ഇന്- ഇന്ത്യ 4ജി നെറ്റ്വര്ക്ക് പ്രോത്സാഹിപ്പിക്കുകയാണ് പ്ലാനിന്റെ ലക്ഷ്യം. 30 ദിവസത്തിനു ശേഷം ഉപയോക്താക്കള്ക്ക് ബിഎസ്എന്എല്ലിന്റെ മറ്റു പ്ലാനുകളിലേയ്ക്ക് മാറാം.
ബിഎസ്എന്എല് കസ്റ്റമര് സര്വീസ് സെന്ററുകള്, അംഗീകൃത റീട്ടെയിലര് വഴി ക്രിസ്മസ് ബൊനാന്സ ഓഫര് ഉപയോക്താക്കള്ക്കു പ്രയോജനപ്പെടുത്താം. ആധാര് അടിസ്ഥാനമാക്കിയുള്ള കെവൈസി നടപടികള് പൂര്ത്തീകരിക്കേണ്ടതുണ്ട്. കൂടുതല് വിവരങ്ങള്ക്ക് ബിഎസ്എന്എല്ലിന്റെ ഔദ്യോഗിക വെബ്സൈറ്റ്, 1800-180-1503 എന്ന ഹെല്പ്പ്ലൈന് ഉപയോഗിക്കുക. ഈ ഓഫര് പുതിയ ഉപഭോക്താക്കള്ക്ക് മാത്രമാണന്ന് ഒരിക്കല് കൂടി ഓര്മ്മിപ്പിക്കുന്നു.
