ദക്ഷിണേന്ത്യ കടത്തില്‍ മുങ്ങുന്നു? കടം വാങ്ങുന്നവരില്‍ കേരളം മൂന്നാമത്! എന്തുകൊണ്ട്?

Highest Household Debt> പലപ്പോഴും കാര്യങ്ങള്‍ മുന്നോട്ടുകൊണ്ടുപോകാന്‍ സര്‍ക്കാരുകളും കടമെടുക്കാന്‍ നിര്‍ബന്ധിതമാകുന്നു. ഇതൊരു തെറ്റല്ല, സ്വാഭാവികമായ നടപടി മാത്രമാണ്. എന്നാല്‍ ഈ കടത്തിന്റെ അളവ് വര്‍ധിക്കുന്നത് പ്രശ്‌നമാണ്. നിലവില്‍ പാകിസ്താന്റെ സാമ്പത്തിക ഞെരുക്കത്തിനു കാരണം ഈ ഉയര്‍ന്ന കടമാണ്. കടം എന്നാല്‍ അത് ഒരു വ്യക്തിക്ക് ആണെങ്കിലും, സംസ്ഥാനത്തിനാണെങ്കിലും, രാജ്യത്തിന് ആണെങ്കിലും ബാധ്യത തന്നെയാണ്.

എന്താണ് പൊതുകടം

ഒരു വ്യക്തി ഒരു വായ്പയെടുക്കുമ്പോള്‍ അത് അവന്റെ ആവശ്യങ്ങള്‍ക്കു വേണ്ടിയുള്ളതാണ്. അതിനാലാണ് ഇതിനെ പേഴ്‌സണല്‍ ലോണ്‍ എന്നു വിളിക്കുന്നത്. ഇത്തരം കേസുകളില്‍ ഈ വായ്പ തിരിച്ചടയ്‌ക്കേണ്ട ഉത്തരവാദിത്വം എടുക്കുന്ന ആള്‍ക്കുണ്ട്. ഒരു സംസ്ഥാനം അല്ലെങ്കില്‍ രാജ്യം വായ്പയെടുക്കുന്നത് അവിടത്തെ ജനങ്ങള്‍ക്കു വേണ്ടിയാണ്. ഇതാണ് പൊതുകടം. കടമെടുക്കുന്നത് സര്‍ക്കാര്‍ ആണെങ്കിലും ബാധ്യത അവിടത്തെ പൗരന്‍മാര്‍ക്ക് കൂടിയുള്ളതാണ്. ജനങ്ങളുടെ പേരില്‍ സര്‍ക്കാര്‍ വാങ്ങിക്കൂട്ടുന്ന ഇത്തരം കടങ്ങളെയാണ് പൊതുകടം എന്നു വിശേഷിപ്പിക്കുന്നത്.

ഇന്ത്യയില്‍ ഏറ്റവും കൂടുതല്‍ കടം ആര്‍ക്ക്?

ഇവിടെ ഇന്ന് നമ്മള്‍ നോക്കുന്നത് ഇന്ത്യന്‍ സംസ്ഥാനങ്ങളില്‍ ഏറ്റവും കൂടുതല്‍ വായ്പയെടുക്കുന്നത് ആരെന്നാണ്. ഒരോ സംസ്ഥാനത്തിന്റെയും വരുമാനം, സാഹചര്യം, ജിഡിപി എന്നിവ വ്യത്യാസപ്പെട്ടിരിക്കുന്നു. അതിനാല്‍ തന്നെ അവരുടെ കടവും വ്യത്യസ്തമായിരിക്കും. ഇന്ത്യയിലെ പല സംസ്ഥാനങ്ങളുടെയും കടം- ജിഡിപി അനുപാതം ആശങ്കാജനകമാണെന്ന് നിങ്ങള്‍ മനസിലാക്കേണ്ടതുണ്ട്. സെന്‍ട്രല്‍ സ്റ്റാറ്റിസ്റ്റിക്‌സ് ഓഫീസിന്റെ റിപ്പോര്‍ട്ടുകള്‍ പ്രകാരം ഇന്ത്യയില്‍ ഏറ്റവും കൂടുതല്‍ പൊതുകടമുള്ള സംസ്ഥാനം ആന്ധ്രാപ്രദേശാണ്. ഈ ലിസ്റ്റില്‍ ആന്ധ്രയ്ക്ക് തൊട്ടുപിന്നിലുള്ളത് തെലങ്കാനയും, കേരളവുമാണ്.

കടത്തില്‍ മുങ്ങുന്ന ദക്ഷിണേന്ത്യ?

കടത്തിന്റെ ലിസ്റ്റില്‍ മുന്നില്‍ ദക്ഷിണേന്ത്യയാണെന്ന് പറയേണ്ടി വരും. റിപ്പോര്‍ട്ട് പ്രകാരം ആന്ധ്രയിലെ മൊത്തം 43.7 ശതമാനം പൗരന്മാരും കടബാധ്യതയിലാണ്. 37.2 ശതമാനം ആളുകള്‍ കടബാധ്യതയാണ് തെലങ്കാനയ്ക്കുള്ളത്. ഈ ലിസ്റ്റില്‍ മൂന്നാം സ്ഥാനത്ത് കേരളം ( 29.9 ശതമാനം), നാലാമത് തമിഴ്‌നാട് (29.4 ശതമാനം), അഞ്ചാമത് കര്‍ണാടക (23 ശതമാനം) എന്നിങ്ങനെയാണ്. അതേസമയം വടക്കേ ഇന്ത്യയിലേയ്ക്ക് എത്തുമ്പോള്‍ ഈ കടങ്ങള്‍ നാമമാത്രമാണ്. ഡല്‍ഹി (3.2 ശതമാനം), ചണ്ഡീഗഡ് (6.5 ശതമാനം) എന്നിങ്ങനെയാണ് കണക്കുകള്‍.

കടം കൂടാനുള്ള കാരണങ്ങള്‍

സാമ്പത്തിക വെല്ലുവിളികളാണ് കടങ്ങളായി പരിമണിക്കുന്നത്. ഒരു സംസ്ഥാനത്തിന് വരുമാനം കുറയുകയോ, അതിന്റെ ചെലവുകള്‍ വഹിക്കാനുള്ള കഴിവ് കുറയുകയോ ചെയ്യുമ്പോള്‍ വായ്പകള്‍ എടുക്കുന്നു. അതേസമയം ദക്ഷിണേന്ത്യയില്‍ കടം കൂടാനുള്ള പ്രധാന കാരണം മറ്റൊന്നാണെന്ന് വിദഗ്ധര്‍ പറയുന്നു. വടക്കന്‍ സംസ്ഥാനങ്ങളിലെ ജനങ്ങളെ അപേക്ഷിച്ച് ദക്ഷിണേന്ത്യന്‍ സംസ്ഥാനങ്ങളിലെ പൗരന്മാര്‍ക്ക് ഉയര്‍ന്ന പ്രതിശീര്‍ഷ വരുമാനവും, കൂടുതല്‍ ആസ്തിയും ഉണ്ട്. ഇത് കൂടുതല്‍ കടബാധ്യതയിലേക്കും, ഗാര്‍ഹിക വായ്പയിലേക്കും നയിക്കുന്നു. കഴിഞ്ഞ ആറ് വര്‍ഷത്തിനുള്ളില്‍ ഇന്ത്യന്‍ സംസ്ഥാനങ്ങളുടെ കടം ഏകദേശം 75% വര്‍ധിച്ചിട്ടുണ്ട്.

2024-ല്‍ ഏറ്റവും കൂടുതല്‍ കടബാധ്യതയുള്ള 10 സംസ്ഥാനങ്ങള്‍