Kerala Times Bureau
Sanchar Saathi App> സ്മാർട് ഫോണുകളിൽ ടെലികോം വകുപ്പിന്റെ സഞ്ചാർ സാഥി ആപ്ലിക്കേഷൻ നിർബന്ധമാക്കുന്നു. എല്ലാ കമ്പനികളും അടുത്ത 90 ദിവസത്തിനകം ഇതുവരെ വിപണിയിലെത്തിച്ച ഫോണുകളിലും, ഇനി നിർമിക്കാനിരിക്കുന്നവയിലും ഈ ആപ്പ് നിർന്ധമാക്കാനാണ് നിർദ്ദേശം. എന്നാൽ ആവശ്യമില്ലാത്തവർക്ക് ഇത് ഡിലീറ്റ് ചെയ്യാൻ കഴിയുമെന്നും വിശദീകരണമുണ്ട്. സഞ്ചാർ സാഥിയും നിങ്ങളുടെ സാമ്പത്തിക സുരക്ഷിതത്ത്വവും തമ്മിലും ബന്ധമുണ്ട്.
സഞ്ചാർ സാഥി – ഫീച്ചറുകൾ
ഇപ്പോൾ ഉപയോഗിച്ചു കൊണ്ടിരിക്കുന്ന ഫോണുകളിലും അപ്ഡേറ്റ് ആയി സഞ്ചാർ സാഥി ലഭ്യമാകും. വ്യാജമായതോ, തട്ടിപ്പിൽ ഉൾപ്പെട്ടതോ ആയ ഫോണല്ല ഉപയോഗിക്കുന്നത് എന്ന് ഉറപ്പാക്കുകയാണ് ഈ ആപ്പിലൂടെ ലക്ഷ്യമിടുന്നതെന്ന് സർക്കാർ പറയുന്നു. തട്ടിപ്പ് കോളുകൾ റിപ്പോർട്ട് ചെയ്യാനും, നഷ്ടപ്പെട്ട ഫോണുകൾ ബ്ലോക്ക് ചെയ്യാനുമുള്ള സേവനങ്ങളും ഈ ആപ്പിലുണ്ട്.
ആപ്പ് ഉപയോഗിക്കുന്നവർക്ക് അവരുടെ തിരിച്ചറിയൽ രേഖകൾ ഉപയോഗിച്ച് ആരെങ്കിലും മറ്റ് മൊബൈൽ കണക്ഷനുകൾ എടുത്തിട്ടുണ്ടോ എന്ന് പരിശോധിക്കാം. സെക്കൻഡ് ഹാൻഡ് ഫോണുകൾ വാങ്ങുന്നതിന് മുമ്പ് തന്നെ അവയുടെ ഐ.എം.ഇ.എ നമ്പറുകൾ പരിശോധിച്ച് അവ തട്ടിപ്പിൽ ഉൾപ്പെട്ടതാണോ എന്ന് അറിയാം. ഇത്തരത്തിൽ ഫോൺ വാലിഡ് ആണോ എന്നറിയാനുള്ള സൗകര്യമാണ് ലഭ്യമാക്കിയിരിക്കുന്നത്. ഇന്ത്യൻ നമ്പറുകളുടെ മറവിൽ വിദേശ ഫോൺ കോളുകൾ ലഭിച്ചാൽ അവ റിപ്പോർട്ട് ചെയ്യാനും സാധിക്കും.
സഞ്ചാർ സാഥിയും, സാമ്പത്തിക സുരക്ഷിതത്ത്വവും
ഭൂരിഭാഗം ഇന്ത്യക്കാരെ സംബന്ധിച്ചും ബാങ്ക് അക്കൗണ്ടുകൾ, യു.പി.ഐ ആപ്ലിക്കേഷനുകൾ, ആധാർ ആപ്ലിക്കേഷൻ, ഇൻവെസ്റ്റ്മെന്റ് ഫോർട്ടലുകൾ, ലോൺ അക്കൗണ്ടുകൾ, ഇൻഷുറൻസ് പ്ലാറ്റ്ഫോമുകൾ എന്നിവയിലേക്കുള്ള സിഗിംൾ പോയിന്റ് എൻട്രി നടത്തുന്നത് മൊബൈൽ ഫോണിലൂടെയാണ്. ഇതിനാൽത്തന്നെ ഫോൺ നഷ്ടമായാൽ ഉണ്ടാകുന്ന മനഃക്ലേശവും, സാമ്പത്തിക നഷ്ടങ്ങളും, അനുബന്ധ ബുദ്ധിമുട്ടുകളും വളരെ വലുതായിരിക്കും
വ്യാജമായ ഐ.എം.ഇ.എ നമ്പറുകൾ ഒരേ ഐഡന്റിറ്റി ഉപയോഗിച്ച് ഒരേ സമയം വ്യത്യസ്ത ഡിവൈസുകളിൽ ഉപയോഗിക്കുന്നതായി നേരത്തെ ടെലികോം വകുപ്പ് കണ്ടെത്തിയിരുന്നു. ഇതിലൂടെ പ്രധാനമായും സൈബർ തട്ടിപ്പുകളാണ് നടക്കുന്നത്. മോഷ്ടിക്കപ്പെട്ട ഒരു ഡിവൈസ് ബ്ലോക്ക് ചെയ്യുക എന്നതും ബുദ്ധിമുട്ടേറിയ ക3ര്യമായിരുന്നു. രാജ്യത്തെ വലിയ സെക്കൻഡ് ഹാൻഡ് സ്മാർട് ഫോൺ മാർക്കറ്റ് റിസ്ക് വർധിക്കാൻ ഒരു കാരണമായി. പലരും അറിയാതെ മോഷ്ടിക്കപ്പെട്ട, അല്ലെങ്കിൽ ബ്ലാക്ക് ലിസ്റ്റ് ചെയ്യപ്പെട്ട ഫോൺ വാങ്ങുന്നതിനും ഇതിലൂടെ ധന നഷ്ടം ഉണ്ടാകുന്നതിനും ഇത് ഇടയാക്കി. ഇതിനെല്ലാം എതിരെയുള്ള ‘സിംഗിൾ പോയിന്റ് സൊല്യൂഷൻ’ എന്ന നിലയിലാണ് നിലവിൽ സഞ്ചാർ സാഥി ആപ്ലിക്കേഷൻ അവതരിപ്പിച്ചിരിക്കുന്നത്.
