Kerala Times Bureau
RD Scheme Benefits> രാജ്യത്ത് ആര്ബിഐ റിപ്പോ നിരക്ക് കുറയ്ക്കല് നടപടികള് തുടരുകയാണ്. ഇതിനിടെ പല നിക്ഷേപ മാര്ഗങ്ങളും ഉടന് ആകര്ഷകമല്ലാതായേക്കുമെന്ന് സൂചന വിദഗ്ധര് നല്കുന്നു. അതിനാല് മികച്ച നിക്ഷേപങ്ങള്ക്ക് ഒരുങ്ങുന്നവര് ജാഗ്രതയോടെ പ്രവര്ത്തിക്കേണ്ട സമയമാണിത്. രാജ്യത്ത് ഏറ്റവും സുരക്ഷിത നിക്ഷേപ സ്ഥാനമായി പോസ്റ്റ് ഓഫീസുകള് ഉയര്ന്നുവന്നിട്ടുണ്ട്. താരതമ്യേന മെച്ചപ്പെട്ട പലിശയും, കേന്ദ്ര സര്ക്കാരിന്റെ സുരക്ഷയുമാണ് ഇതിനു കാരണം. പോസ്റ്റ് ഓഫീസ് നിക്ഷേപങ്ങളിലെ തന്നെ ഏറ്റവും ജനപ്രിയമായ ഒരു ഓപ്ഷനെ പറ്റിയാണ് ഇന്നു പറയുന്നത്.
പോസ്റ്റ് ഓഫീസ് ആവര്ത്തന നിക്ഷേപ പദ്ധതി (RD Scheme)
പോസ്റ്റ് ഓഫ്സ് റിക്കറിംഗ് ഡെപ്പോസിറ്റ് അഥവാ പോസ്റ്റ് ഓഫീസ് ആവര്ത്തന നിക്ഷേപങ്ങള് ദീര്ഘകാല നിക്ഷേപകര്ക്ക് വളരെ അനുയോജ്യമാണ്. ചെറു നിക്ഷേപങ്ങളില് നിന്ന് മികച്ച വരുമാനം ലക്ഷ്യമിടുന്ന ഏതൊരു ഇന്ത്യന് പദ്ധതി നേട്ടമാകും. പ്രതിദിനം 333 രൂപ നീക്കിവച്ചുകൊണ്ട് ഈ പദ്ധതി വഴി നിങ്ങള്ക്ക് 17 ലക്ഷം രൂപ സമ്പാദിക്കാന് കഴിയുമെന്ന് പറഞ്ഞാല് നിങ്ങള് വിശ്വസിക്കുമോ?
6.70 ശതമാനം പലിശ നിരക്ക്
നിലവില് പോസ്റ്റ് ഓഫീസ് ആര്ഡി 6.70 ശതമാനം ആകര്ഷകമായ പലിശ വാഗ്ദാനം ചെയ്യുന്നു. 10 വയസു പ്രായമുള്ള ഒരു കുട്ടിയുടെ പേരില് രക്ഷിതാക്കള്ക്കു പോലും ഇവിടെ അക്കൗണ്ട് തുടങ്ങാം. അഞ്ചു വര്ഷമാണ് പോസ്റ്റ് ഓഫീസ് എ്ഫ്ഡികളുടെ കാലാവധി. എന്നാല് കാലാവധി പൂര്ത്തിയാകുന്നതിനു ശേഷവും നിക്ഷേപം തുടരാം എന്നതാണ് ഇതിലെ മാജിക്. അതായത് ഒരു നിക്ഷേപകന് ആനുകൂല്യങ്ങള് നഷ്ടപ്പെടാതെ പരമാവധി 10 വര്ഷത്തേയ്ക്ക് ഇവിടെ നിക്ഷേപം തുടരാം.
ശ്രദ്ധിക്കേണ്ട കാര്യങ്ങള്
ഇനി ആവശ്യമെങ്കില് അക്കൗണ്ട് തുടങ്ങി മൂന്നു വര്ഷത്തിനു ശേഷം എപ്പോള് വേണമെങ്കിലും അതു ക്ലോസ് ചെയ്യാനും ഓപ്ഷനുണ്ട്. അക്കൗണ്ട് ഉടമയുടെ മരണം സംഭവിച്ചാല് നോമിനിക്ക് അക്കൗണ്ട് ക്ലെയിം ചെയ്യാനോ, നിക്ഷേപം തുടരാനോ സാധിക്കും.
333 രൂപ വഴി 17 ലക്ഷത്തിലേയ്ക്ക്
ഒരു നിക്ഷേപകന് പദ്ധതിക്കു കീഴില് പ്രതിദിനം 333 രൂപ നീക്കിവയ്ക്കുന്നുവെന്ന് കരുതുക. അങ്ങനെ വരുമ്പോള് അദ്ദേഹം പ്രതിമാസം ഏകദേശം 10,000 രൂപയുടെ നിക്ഷേപം നടത്തുന്നുണ്ട്. അങ്ങനെ വരുമ്പോള് 5 വര്ഷത്തെ് ആകെ നിക്ഷേപം 6 ലക്ഷം രൂപയാണ്. ഇതിന് 6.70 ശതമാനം പലിശ കിട്ടും. ഇത് ഏകദേശം 1.13 ലക്ഷം രൂപയാണ്. ഈ നിക്ഷേപ കാലയളവ് 5 വര്ഷം നീട്ടുന്നുവെന്ന് കരുതുക. അങ്ങനെ വരുമ്പോള് നിങ്ങളുടെ മൊത്തം നിക്ഷേപം 12 ലക്ഷം രൂപയാകും. ഇവിടെ കാലാവധിയില് നിങ്ങളുടെ പലിശ വരുമാനം ഏകദേശം 5,08,546 രൂപയായിരിക്കും. അതായത് 10 വര്ഷത്തില് നിങ്ങളുടെ കൈവശം മുതലും പലിശയും ചേര്ത്ത് 17,08,546 രൂപയുണ്ടാകും.
5,000 നിക്ഷേപിച്ചാല്
മുകളില് പറഞ്ഞ കണക്കുകള് മാസം 10,000 രൂപ നിക്ഷേപിക്കുന്ന കാര്യമാണ്. ഇതു പലര്ക്കും ഒരു ബുദ്ധിമുട്ടായി തോന്നിയേക്കാം. ഈ സാഹചര്യത്തില് നിങ്ങള് മാസം 5,000 രൂപ നിക്ഷേപിച്ചാല് എത്ര റിട്ടേണ് ലഭിക്കുമെന്ന് നോക്കാം. അങ്ങനെ വരുമ്പോള് പത്ത് വര്ഷത്തില് ഏകദേശം 8,54,272 രൂപ സമാഹരിക്കാന് കഴിയും. ഇതില് പലിശ മാത്രം 2,54,272 രൂപ വരും.
വായ്പാ സൗകര്യം
പോസ്റ്റ് ഓഫീസ് ആര്ഡിയുടെ മറ്റൊരു പ്രധാന ആകര്ഷണം വായ്പ സൗകര്യമാണ്. അവശ്യ സാഹചര്യങ്ങളില് നിക്ഷേപത്തില് വിട്ടുവീഴ്ചവരുത്താതെ തന്നെ ഫണ്ട് റെഡിയാക്കാന് ഇതു സഹായിക്കുന്നു. അതേസമയം ആര്ഡി അക്കൗണ്ട് തുടങ്ങി കുറഞ്ഞത് ഒരു വര്ഷമെങ്കിലും മുടക്കം കൂടാതെ നിക്ഷേപം നടത്തിയാല് മാത്രമേ വായ്പ യോഗ്യത ലഭിക്കൂ. അക്കൗണ്ടിലെ മൊത്തം തുകയുടെ 50% വരെ മാത്രമേ വായ്പയായി എടുക്കാന് സാധിക്കൂ. ഇവിടെ എടുക്കുന്ന തുകയ്ക്ക് പലിശ 2% മാത്രമായിരിക്കും. വെറെ എവിടെ കിട്ടും ഈ പലിശയ്ക്ക് വായ്പ. നിങ്ങളുടെ നിക്ഷേപം ഇവിടെ 6.70% നിരക്കില് വളര്ന്നുകൊണ്ടിരിക്കുക കൂടിയാണ്.
Disclaimer: മുകളില് പറഞ്ഞ കാര്യങ്ങള് നിലവില് ലഭ്യമായ വിവരങ്ങളും, ഇന്വെസ്റ്റ്മെന്റ് റിട്ടേണ് കാല്ക്കുലേറ്ററും പ്രകാരമാണ്. നിക്ഷേപങ്ങള്ക്കു മുമ്പ് കാര്യങ്ങള് ഉറപ്പാക്കുക.
