Mereena S
എൽഡിഎഫിന്റെ പ്രചരണവുമായി ബന്ധപ്പെട്ട ചെലവുകൾ സംബന്ധിച്ചും ഈ തെരഞ്ഞെടുപ്പ് കാലത്ത് ചർച്ചകൾ പുരോഗമിക്കുകയാണ്. പിണറായി വിജയനുമായി മോഹൻലാൽ നടത്തിയ അഭിമുഖത്തിന് പൊതു ഖജനാവിൽ നിന്ന് 11.21 ലക്ഷം ചെലവഴിച്ചതായി റിപ്പോർട്ടുകൾ പുറത്തുവന്നത് ഇതിന് ആക്കം കൂട്ടി. വരാനിരിക്കുന്ന സർക്കാരിന് മേൽ വലിയ സാന്പത്തിക ബാധ്യതയാണ് പിണറായി വിജയൻ ഈ പി ആർ പ്രവർത്തനങ്ങളിലൂടെ വരുത്തിവെച്ചിരിക്കുന്നത് എന്ന വിമർശനവുമായി കെ മുരളീധരൻ അടക്കമുള്ള കോൺഗ്രസ് നേതാക്കൾ രംഗത്ത് വന്നിരുന്നു.
ഇക്കഴിഞ്ഞ മാസങ്ങളിലും പരസ്യപ്രചാരണത്തിനും പ്രമോഷൻ പ്രവർത്തനങ്ങൾക്കുമായി എത്ര പണം ചെലവഴിച്ചിട്ടുണ്ടാകുമെന്ന തരത്തിലുള്ള ചർച്ചകളും ഇപ്പോൾ സജീവമാകുന്നുണ്ട്. യുഡിഎഫ് നേതൃത്വത്തിന്റെ ഏകോപിതമായ പ്രവർത്തനം ഇത്തവണ ശ്രദ്ധേയമായ മറ്റമുണ്ടാക്കുമെന്നാണ് മുതിര്ന്ന നേതാക്കളക്കം പറയുന്നത്. പത്തനംതിട്ട, ചാലക്കുടി, കൊടുങ്ങല്ലൂർ, പുതുപ്പള്ളി, വൈക്കം, കോട്ടയം തുടങ്ങിയ മണ്ഡലങ്ങളിൽ നേരിട്ടെത്തി കെ.സി. വേണുഗോപാൽ പ്രചാരണത്തിന് ചുക്കാൻ പിടിക്കുന്നത് പ്രചാരണത്തിൽ ഏറെ മുന്നിലെത്താൻ യുഡിഎഫിന് ഗുണം ചെയ്തുവെന്ന് നേതാക്കൾ പറയുന്നു.
എറണാകുളം, കൊച്ചി, തൃക്കാക്കര, പിറവം മണ്ഡലങ്ങളിൽ കേന്ദ്രീകരിച്ച് തിരഞ്ഞെടുപ്പ് പ്രവർത്തനങ്ങൾക്ക് വി.ഡി. സതീശൻ നേതൃത്വം നൽകുന്നു എന്നും ഇത് യുഡിഎഫിന്റെ ആത്മവിശ്വാസമുയർത്തുന്നു എന്നും പ്രവർത്തകർ അവകാശപ്പെടുന്നു. ഇരിങ്ങാലക്കുട, തിരുവല്ല, കടുത്തുരുത്തി, പാലാ, ഏറ്റുമാനൂർ തുടങ്ങിയ മണ്ഡലങ്ങളിൽ രമേശ് ചെന്നിത്തലയും പര്യടനങ്ങൾ നടത്തി പ്രചാരണം മുന്നോട്ടു കൊണ്ടുപോകുന്നു എന്നും യുഡിഎഫ് കരുതുന്നുണ്ട്.
