Kerala Times Bureau
Global Market Crash: പല നിക്ഷേപകരും അവരുടെ ഗൈഡായ കണക്കാക്കുന്ന പുസ്തകങ്ങളില് ഒന്നാണ് റോബര്ട്ട് കിയോസ്കിയുടെ റിച്ച് ഡാഡ് പുവര് ഡാഡ്. കിയോസ്കിയുടെ വിപണി നിരീക്ഷണങ്ങള് പലപ്പോഴും നിക്ഷേപകരെ അമ്പരപ്പിക്കാറുമുണ്ട്. അത്തരത്തില് ഒന്നാണ് നിലവില് ഏറെ ശ്രദ്ധ ആകര്ഷിക്കുന്നത്. ‘ലോക ചരിത്രത്തിലെ ഏറ്റവും വലിയ തകര്ച്ച’ ഈ വര്ഷം സംഭവിക്കുമെന്നാണ് അത്.
നിക്ഷേപകര് അറിയാന്
റോബര്ട്ട് കിയോസ്കിയുടെ വിലയിരുത്തലില് വിപണികളുടെ തകര്ച്ചയും, സ്വര്ണ്ണത്തിന്റെ വീഴ്ചയും ഉള്പ്പെടുന്നു. അതെ, ഓഹരി വിപണി വീഴ്ചകളില് കുതിക്കുന്ന സ്വര്ണ്ണത്തിനും വരാനിരിക്കുന്നത് നല്ലകാലമല്ല. സ്വര്ണ്ണം അതിന്റെ പ്രാവം നഷ്ടപ്പെടുത്തുമെന്ന് വിശ്വസിക്കുന്ന വിദഗ്ധരുടെ എണ്ണം വര്ധിക്കുകയാണ്. കിയോസ്കി മുന്നേറ്റം പ്രതീക്ഷിക്കുന്നതും, നിക്ഷേപകര്ക്കായി നിര്ദേശിക്കുന്നതും വെള്ളിയും, എതെറിയവും ആണ്. താരതമ്യേന വിലകുറഞ്ഞ ഈ ലോഹങ്ങളുടെ വ്യവസായിക ഡിമാന്ഡ് വര്ധിക്കുകയാണ്.
ബേബി ബൂമര് റിട്ടയര്മെന്റ്
റോബര്ട്ടിന്റെ വിലയിരുത്തലില് ബേബി ബൂം വിരമിക്കല് ഇല്ലാതാകാന് പോകുന്നു. രണ്ടാം ലോക മഹായുദ്ധത്തിന് അവസാനവും, 1960 കളുടെ തുടക്കത്തിലും ജനിച്ചവര് ആണ് ബേബി ബൂമേഴ്സ്. നിരവധി ബൂമറുകള് വീടില്ലാത്തവരോ, അവരുടെ കുട്ടികള്ക്ക് കീഴില് താമസിക്കുന്നവരോ ആകും. വരാനിരിക്കുന്ന തകര്ച്ച പരമ്പരാഗത സമ്പാദ്യങ്ങളെയും, വിരമിക്കല് അക്കൗണ്ടുകളെയും തകര്ക്കുമെന്ന് കിയോസ്കി പറയുന്നു. തന്റെ പുസ്തകത്തില് പ്രവചിച്ചിരിക്കുന്ന ലോക ചരിത്രത്തിലെ ഏറ്റവും വലിയ തകര്ച്ച ഈ വര്ഷം സംഭവിക്കുമെന്നും അദ്ദേഹം കൂട്ടിച്ചേര്ത്തു.
ഫിയറ്റ് കറന്സികള് വീഴും
ഫിയറ്റ് കറന്സികള് ഉടന് വീഴുമെന്നും, സമ്പാദ്യം ഇന്നും കറന്സികളായി സൂക്ഷിക്കുന്നവര് പരാജയപ്പെടുമെന്നും അദ്ദേഹം പറയുന്നു. സ്വര്ണ്ണം, വെള്ളി, അല്ലെങ്കില് അതുപോലത്തെ ഫിസിക്കല് കമ്മോഡിറ്റികളുടെ പിന്ബലം ഇല്ലാത്ത കറന്സികളെയാണ് ഫിയറ്റ് കറന്സികള് എന്നു വിശേഷിപ്പിക്കുന്നത്. ഇന്ത്യന് രൂപ ഒരു ഫിയറ്റ് കറന്സിയാണ്. കാരണം ഇന്ത്യന് രൂപയുടെ മൂല്യം ആര്ബിഐ/ സര്ക്കാര് നിശ്ചയിക്കുന്നതാണ്. ഇതിന് യാതൊന്നിന്റെയും പിന്ബലമില്ല. പണപ്പെരുപ്പം ഇത്തരം കറന്സികളെ വെറും പേപ്പറാക്കി മാറ്റുമെന്ന് അദ്ദേഹം വിശ്വസിക്കുന്നു.
നിക്ഷേപകള്ക്ക് ശ്രദ്ധിക്കേണ്ടത്
ഭാവി മുന്നില് കാണു്ന്നവര് കേവലം ഫിയറ്റ് കറന്സികളില് കുടുങ്ങരുതെന്നും, മറിച്ച് സ്വര്ണ്ണം, വെള്ളി, ബിറ്റ്കോയിന്, എതേറിയം പോലുള്ള ഡിജിറ്റല് ആസ്തികള് ശേഖരിക്കണമെന്നും അദ്ദേഹം പറഞ്ഞു. ഇതില് തന്നെ വെള്ളിയും, എതേറിയവും നിലവില് ഏറ്റവും മികച്ച ഓപ്ഷനായി അദ്ദേഹം മുന്നോട്ടുവയ്ക്കുന്നു.
