Kerala Times Bureau
Bank Account> 2026 ജനുവരി 1 മുതൽ രാജ്യത്തുടനീളമുള്ള ലക്ഷക്കണക്കിന് ബാങ്ക് അക്കൗണ്ടുകളെ ബാധിക്കുന്ന മാറ്റം നടപ്പാക്കാൻ റിസർവ് ബാങ്ക് ഓഫ് ഇന്ത്യ. ചില തരം അക്കൗണ്ടുകൾ ക്ലോസ് ചെയ്യപ്പെടാൻ വരെ ഈ മാറ്റങ്ങൾ കാരണമാകും. ഇവിടെ, അക്കൗണ്ട് ഉടമകൾ പുതിയ മാറ്റങ്ങൾ സംബന്ധിച്ച് അറിഞ്ഞിരിക്കുകയും, ആവശ്യമായ നടപടികൾ കൈക്കൊള്ളുകയും ചെയ്യേണ്ടതാണ്.
ബാങ്കിങ് സംവിധാനത്തെ സുരക്ഷിതമായും, കൂടുതൽ സുതാര്യമായും നില നിർത്തുന്നതിന്റെയും, കാര്യക്ഷമത വർധിപ്പിക്കുന്നതിന്റെയും ഭാഗമായിട്ടാണ് റിസർവ് ബാങ്ക് പുതിയ മാറ്റങ്ങൾ നടപ്പാക്കുന്നത്. ബാങ്ക് അക്കൗണ്ട് ഹാക്കിങ് അടക്കമുള്ള തട്ടിപ്പുകൾ തടയുക, ഡിജിറ്റൽ ബാങ്കിങ് സംവിധാനങ്ങൾക്ക് കൂടുതൽ കരുത്ത് പകരുക എന്നിവയെല്ലാം ഇതിന്റെ ലക്ഷ്യങ്ങളാണ്. ഇത്തരത്തിൽ പുതിയ മാറ്റങ്ങൾ നടപ്പാക്കുന്നതിലൂടെ ബാങ്കിങ് ഓപ്പറേഷൻസിലെ വിടവ് നികത്തുക, ഉപയോക്താക്കൾക്ക് മികച്ച സുരക്ഷയും, സേവനവും ഉറപ്പു വരുത്തുക എന്നീ കാര്യങ്ങളും ലക്ഷ്യമിടുന്നു.
താഴെ പറയുന്ന ബാങ്ക് അക്കൗണ്ടുകളെയാണ് പുതിയ മാറ്റങ്ങൾ ബാധിക്കുക
1. ഡോർമന്റ് അക്കൗണ്ടുകൾ (Dormant Accounts)
2 വർഷമോ അതിലധികമോ ആയി, പണം നിക്ഷേപിക്കുകയോ, പിൻവലിക്കുകയോ ചെയ്യാത്ത തരം അക്കൗണ്ടുകളാണ് ഈ വിഭാഗത്തിൽ വരുന്നത്. ആക്ടീവായി മോണിറ്റർ ചെയ്യപ്പെടാത്തതിനാൽ ഇത്തരം അക്കൗണ്ടുകൾ ഹാക്കർമാർ ലക്ഷ്യമിടാനുള്ള സാധ്യകളുണ്ട്. ഉപയോക്താക്കളെ സംരക്ഷിക്കുന്നതിനും, തട്ടിപ്പ് തടയുന്നതിനുമായി ഉപയോഗിക്കാതിരിക്കുന്ന ഇത്തരം അക്കൗണ്ടുകൾ ക്ലോസ് ചെയ്യപ്പെടും.
2. ഇനാക്ടീവ് അക്കൗണ്ടുകൾ (Inactive Accounts)
12 മാസമോ അതിലധികമോ ആയി വിനിമയങ്ങളൊന്നും നടക്കാത്ത അക്കൗണ്ടുകളാണ് ഈ വിഭാഗത്തിൽ ഉൾപ്പെടുന്നത്. ഇവിടെയും ഇത്തരം അക്കൗണ്ടുകൾ ദുരുപയോഗം ചെയ്യപ്പെടാനുള്ള സാധ്യതകൾ കൂടുതലാണ്. അക്കൗണ്ട് ഹോൾഡർ ഇവ യഥാസമയം റീ ആക്ടിവേറ്റ് ചെയ്തിട്ടില്ലെങ്കിൽ ഇവ ക്ലോസ് ചെയ്യേണ്ടതാണെന്ന് പുതിയ ആർ.ബി.ഐ റൂൾ വ്യവസ്ഥ ചെയ്യുന്നു. അതേ സമയം ചെറിയ വിനിമയങ്ങൾ നടത്തിയാൽപ്പോലും അക്കൗണ്ടുകൾ ലൈവായി നിൽക്കുമെന്നതും അറിഞ്ഞിരിക്കുക.
3. സീറോ ബാലൻസുള്ള അക്കൗണ്ടുകൾ (Zero Balance Accounts). ദീർഘകാലമായി സീറോ ബാലൻസിൽ തുടരുന്ന അക്കൗണ്ടുകളും ക്ലോസ് ചെയ്യപ്പെടും. ഇത്തരം അക്കൗണ്ടുകൾ തട്ടിപ്പുകാർ ദുരുപയോഗം ചെയ്യാതിരിക്കുക ലക്ഷ്യമാണ്.
ഇത്തരത്തിൽ പുതിയ നീക്കങ്ങളിലൂടെ അക്കൗണ്ട് ആക്ടീവായി നിർത്താൻ ഉപയോക്താക്കൾ നിർബന്ധിതമാകും. കെ.വൈ.സി വിവരങ്ങൾ കൃത്യവും അപ്ഡേറ്റ് ചെയ്യപ്പെട്ടവയുമാണെന്ന് ബാങ്കുകൾക്ക് ഉറപ്പിക്കാനും സാധിക്കും
