ഡ്രോണിൽ നിന്ന് മിസൈൽ വിക്ഷേപിച്ച് ഡിആർഡിഒ; പ്രിസിഷൻ മിസൈൽ യുഎൽപിജിഎം-വി3 വിജയകരമായി പരീക്ഷിച്ചു; പ്രധാന സവിശേഷതകൾ

ദില്ലി > ആന്ധ്രാപ്രദേശിലെ കുർണൂലിലുള്ള നാഷണൽ ഓപ്പൺ ഏരിയ റേഞ്ചിൽ (NOAR) ഇന്ത്യ വിജയകരമായി യുഎവി ലോഞ്ച്ഡ് പ്രിസിഷൻ ഗൈഡഡ് മിസൈൽ (ULPGM)-V3 ന്റെ വിക്ഷേപണ പരീക്ഷണങ്ങൾ നടത്തി. നിർണായകമായ പ്രതിരോധ സാങ്കേതികവിദ്യകൾ സ്വാംശീകരിക്കാനും ഉത്പാദിപ്പിക്കാനും ഇന്ത്യൻ വ്യവസായം ഇപ്പോൾ തയ്യാറാണെന്ന് ഈ വിജയം തെളിയിക്കുന്നുവെന്ന് പറഞ്ഞ പ്രതിരോധ മന്ത്രി രാജ്‌നാഥ് സിംഗ് ടീമിനെ അഭിനന്ദിച്ചു.

ഇന്ത്യയുടെ പ്രതിരോധ ശേഷിക്ക് ഒരു വലിയ ഉത്തേജനം നൽകിക്കൊണ്ടാണ് ആന്ധ്രാപ്രദേശിലെ കുർണൂലിലുള്ള നാഷണൽ ഓപ്പൺ ഏരിയ റേഞ്ച് (NOAR) പരീക്ഷണ ശ്രേണിയിൽ DRDO_India വിജയകരമായി UAV ലോഞ്ച്ഡ് പ്രിസിഷൻ ഗൈഡഡ് മിസൈൽ (ULPGM)-V3 ന്റെ പറക്കൽ പരീക്ഷണങ്ങൾ നടത്തിയത്. ULPGM-V3 സിസ്റ്റത്തിന്റെ വികസനത്തിനും വിജയകരമായ പരീക്ഷണങ്ങൾക്കും DRDO യ്ക്കും വ്യവസായ പങ്കാളികൾക്കും, DcPP-കൾക്കും, MSME-കൾക്കും, സ്റ്റാർട്ടപ്പുകൾക്കും അഭിനന്ദന പ്രവാഹമാണ്. ഫെബ്രുവരി 10 മുതൽ 14 വരെ ബാംഗ്ലൂരിൽ നടന്ന എയ്‌റോ ഇന്ത്യ 2025 ഷോയിൽ, ULM-ER എന്ന പേരിലും അറിയപ്പെടുന്ന എക്സ്റ്റൻഡഡ് റേഞ്ച് വേരിയന്റായ ULPGM-V3 പ്രദർശിപ്പിച്ചിരുന്നു.

പ്രധാന വിശദാംശങ്ങൾ

ഡിആർഡിഒയുടെ യുഎവി-ലോഞ്ച്ഡ് പ്രിസിഷൻ ഗൈഡഡ് മ്യൂണിഷൻ (യുഎൽപിജിഎം) എയർ-ടു-സർഫേസ് മിസൈലിന്റെ വിപുലീകൃത ശ്രേണി വകഭേദമായ യുഎൽഎം-ഇആറിൽ, പകലും രാത്രിയുമുള്ള പ്രവർത്തനങ്ങൾക്കായി ഇമേജിംഗ് ഇൻഫ്രാറെഡ് (ഐആർ) സീക്കറുള്ള പാസീവ് ഹോമിംഗ് സൗകര്യം ഉണ്ടെന്ന് ഡിആർഡിഒ വെബ്‌സൈറ്റ് റിപ്പോർട്ട് ചെയ്യുന്നു.
12.5 കിലോഗ്രാം ഭാരമുള്ള ഫയർ ആൻഡ് ഫോർഗെറ്റ് മിസൈലിന് ഒരു ചെറിയ ഡ്യുവൽ-ത്രസ്റ്റ് സോളിഡ് പ്രൊപ്പൽഷൻ യൂണിറ്റാണ്ട് കരുത്ത് പകരുന്നത്. ഇത് പകൽ സമയത്ത് പരമാവധി 4 കിലോമീറ്ററും രാത്രിയിൽ 2.5 കിലോമീറ്ററും സഞ്ചരിക്കാൻ പ്രാപ്തമാണ്.
ഡ്യുവൽവേ ഡാറ്റാലിങ്ക് വഴിയാണ് ആശയവിനിമയം സുഗമമാക്കുന്നത്. ഒന്നിലധികം വാർഹെഡ് ഓപ്ഷനുകൾ ഉപയോഗിച്ച്, വിവിധ സ്റ്റാറ്റിക് ലക്ഷങ്ങളെയോ ചലിക്കുന്ന ലക്ഷ്യങ്ങളെയോ ആക്രമിക്കുന്നതിനാണ് യുദ്ധോപകരണം രൂപകൽപ്പന ചെയ്തിരിക്കുന്നത്.
അദാനിയും ഭാരത് ഡൈനാമിക്സ് ലിമിറ്റഡും (BDL) ULPGM പദ്ധതിയുടെ പ്രധാന നിർമ്മാണ പങ്കാളികളാണ്. അതേസമയം യുദ്ധോപകരണങ്ങളുടെ വികസനവും പരീക്ഷണവും DRDO യുടെ ഉത്തരവാദിത്വത്തിലാണ്.
മൂന്ന് അറിയപ്പെടുന്ന ULPGM വകഭേദങ്ങളുണ്ട്: ULPGM V1 (ബേസ്‌ലൈൻ), ULPGM V2 (പ്രൊഡക്ഷൻ വേരിയന്റ്, ULPGM എന്നും അറിയപ്പെടുന്നു), ULPGM V3 (എക്സ്റ്റെൻഡഡ്-റേഞ്ച് വേരിയന്റ്, ULM-ER എന്നും അറിയപ്പെടുന്നു).
V1, V2, V3 എന്നിവ തമ്മിലുള്ള പ്രാഥമിക വ്യത്യാസങ്ങൾ മാർഗ്ഗനിർദ്ദേശ സംവിധാനങ്ങൾ, പ്രകടനം, ശ്രേണി എന്നിവയിലെ വ്യത്യസ്ഥതകളാണ്.